O Galaico volve aos adestramentos no Pontillón
Por Manu Otero
Despois de tres meses, o Club Natación Galaico regresou este xoves aos adestramentos en todas as categorías. O Pontillón do Castro e a súa contorna será o lugar no que se desenvolvan as sesións durante os próximos meses que consistirán en exercicios en seco e natación de augas abertas.
A intención do club é establecerse no encoro pontevedrés ata que se reabra a Piscina Rías do Sur e "póidase ir recobrando a normalidade", declaran.
O director deportivo do Club Natación Galaico, Diego Pérez, detalla que os adestramentos levarán a cabo seguindo as medidas de prevención indicadas polo Consello Superior de Deportes e as autoridades sanitarias. Os nadadores exercítanse en grupos de menos de 20 persoas, mídense a temperatura antes de empezar, manteñen as distancias entre deportistas e non comparten material.
No referente a competicións, Pérez explica que non hai nada previsto nos próximos meses de xullo e agosto. No caso de setembro estudan a posibilidade dalgunha proba en augas abertas, pero polo momento só son expectativas que poderán concretarse ou non en función da evolución da situación sanitaria.
Relacionadas:
-
O Equipo Nacional concentra en Madrid a Alicia Bouzas, nadadora do Galaico
Por Redacción |
-
Un verán de portas abertas no Club Natación Galaico
Por Redacción |
-
O Negra Sombra Roller Derby convida a adestrar con elas na súa volta ás pistas tras o confinamento
Por Redacción |
-
O Galaico lanza un concurso de debuxo para os seus nadadores máis pequenos
Por Redacción |
-
O CN Galaico é campión galego absoluto
Por Redacción |
-
O Club Natación Galaico brilla no Campionato Absoluto de Inverno
Por Almu Dapena & Diego Torrado |