O Teucro confirma dous novos partidos de pretempada no Municipal
Por Diego Espiño
O Pavillón Municipal dos Deportes acollerá polo menos dous encontros amigables na pretempada da Sociedad Deportiva Teucro.
Así confirmouno o club azul engadindo dúas novas datas aos compromisos xa coñecidos de primeira rolda da Copa Galicia en Redondela ante o SAR (22 de agosto) e o triangular de Carballo ante Calvo Xiria e Balonmán Cangas (24 de agosto).
O primeiro destes dous amigables será ademais a estrea do equipo adestrado por Javier Barrios, recibindo en Pontevedra ao Atlético Bueu da Primera Nacional o próximo sábado día 17.
Ademais, o Teucro pechou un partido no Municipal ante o equipo portugués do Ismail, de Maia, para o mércores 28 de agosto.
A intención do corpo técnico é disputar máis encontros durante a pretempada, pero a confirmación destes dependerá da traxectoria do equipo na Copa Galicia.