Satisfacción na Raña por dar por concluída a liga regular en LEB Oro
Por Redacción
Poucas horas despois de facerse oficial o acordo entre a Federación Española de Baloncesto e os clubs que compoñen a liga LEB Oro de dar por concluída a liga regular sen que se produzan descensos ante a imposibilidade de retomar a curto prazo a competición pola crise sanitaria, o Peixe Galego, a través da súa presidenta, Rebeca Simes, emite un comunicado no que manifesta a súa "satisfacción" polos acordos da FEB. "É de sentido común dar por terminada a liga regular sen descensos", aplauden desde a directiva.
Nas dúas reunións celebradas entre os afectados, o equipo marinense sempre defendera a finalización da liga por diferentes razóns. O primeiro deles para evitar poñer en risco a todos os implicados na celebración dos partidos, desde xogadores e técnicos ata árbitros, persoal organizador ou afeccionados.
Outro argumento de peso se centra nas dificultades para facer regresar a España a boa parte do plantel azul que se atopa confinada nos seus países de orixe. "Carecemos de garantías para facer regresar aos nosos xogadores do estranxeiro", subliña Simes.
Pero a obrigatoriedade de ter que celebrar os partidos sen público nos pavillóns é algo que o Peixe Galego quería evitar custe o que custe. "Non contemplamos o retorno ás canchas sen afeccionados", asegura a presidenta, que agradece a comprensión do resto de clubs para chegar a esta determinación e pide consenso para resolver os ascensos. único punto que queda aínda pendente para concluír a tempada.
Pecha o seu comunicado o conxunto de Marín cunha mensaxe de apoio e agradecemento a afeccionados e patrocinadores, aos que esperan ter pronto de volta na Raña.
Relacionadas:
-
Última bala no Peixe Galego para tentar saír en LEB Ouro
Por Diego Espiño |
-
17 de xullo, data tope do Peixe Galego para inscribirse nunha LEB Ouro que se dividirá en dous grupos
Por Diego Espiño |
-
Tai Badmus deixa o Peixe Galego despois de dúas tempadas e ficha polo Basquet Coruña
Por Redacción |
-
A Federación Española denega a praza en Liga Feminina 2 ao Peixe Galego
Por Diego Espiño |
-
O Peixe Galego dobra a súa aposta e formaliza a inscrición dun equipo na Liga Feminina 2
Por Diego Espiño |
-
O baloncesto autonómico dá carpetazo definitivo á tempada pechando as súas ligas sen campións nin descensos
Por Redacción |
-
O Peixe Galego sálvase; a Liga LEB Ouro terminará sen descensos
Por Diego Espiño |
-
Conclúe sen acordo a segunda xuntanza entre clubs e FEB para resolver o futuro da LEB Oro
Por Manu Otero |
-
O Peixe Galego e o resto de clubs de LEB Ouro negocian como terminar a liga
Por Redacción |