Promoven unha carreira popular solidaria indoor en favor de Cruz Vermella
Por Redacción
As medidas do estado de alarma decretado para reducir os efectos da pandemia do coronavirus obrigaron a cancelar a maior parte dos eventos deportivos. O verán estaba infestado de carreiras populares por todo o país que non se poderán realizar, con todo, a compañía enerxética EDP organizará este domingo a primeira carreira popular solidaria indoor en beneficio da Cruz Vermella.
A cita está programada para o 19 de abril a partir das 10 horas. Apadriñada polo campión do mundo de maratón Martín Fiz, os cidadáns que queiran sumarse a esta iniciativa soamente terán que subir ás súas redes sociais unha imaxe do dispositivo que utilicen habitualmente como podómetro mostrando o número de pasos realizados e engadindo o hashtag #EDPEchaUnCable. Todos os pasos irán desbloqueando diferentes tramos equivalentes a unha cantidade para doar pola enerxética, que inicia a campaña coa entrega de 10.000 euros (equivalentes a dous millóns de pasos) ao plan de emprego da oenegué. O obxectivo é alcanzar os 10 millóns de pasos.
O embaixador da carreira, Martín Fiz, ten previsto dar consellos este xoves a través das redes sociais de EDP para afrontar esta proba e para manterse en forma durante o confinamento.
Durante o día da proba, poderase coñecer con exactitude os pasos xerados e seguir a doazón obtida a través da web: https://experienciasedp.com/running/edpechauncable
Relacionadas:
-
Dous estudantes de Ciencias do Deporte organizan unha carreira solidaria en favor do Sergas desde casa
Por Redacción |
-
Temor na Gimnástica a que o coronavirus obrigue a reformular eventos como a San Silvestre
Por Manu Otero |
-
As federacións, ante o momento de tomar decisións sobre como concluír a tempada
Por Diego Espiño |
-
O confinamento é equiparable a "unha lesión común para todos de longa duración", asegura Santiago Ferrer
Por Diego Espiño |
-
O atletismo español exponse xa dar por perdida toda a tempada
Por Redacción |