O Peixe Galego e o resto de clubs de LEB Ouro negocian como terminar a liga
Por Redacción
Os protagonistas da Liga LEB Ouro, paralizada indefinidamente pola crise sanitaria do coronavirus, sentaron a negociar cal é a mellor maneira de terminar a tempada.
O Peixe Galego, xunto aos demais 17 clubs que compoñen a segunda categoría do baloncesto nacional, mantiveron este mércores un encontro virtual cos responsables de competición da Federación Española (FEB), no que a orde do día era tratar o futuro da competición.
Con todo neste primeiro encontro non se chegou a un acordo debido ás "diferentes posicións existentes tanto entre os clubs implicados como coa Federación", sinalou a FEB nun comunicado.
O cadro marinense é dos que defende a suspensión definitiva da competición ante o prexuízo económico que supoñería prorrogar os contratos do plantel. Sobre a mesa estaba tamén a medida anunciada por outras federacións de conxelar os descensos de categoría, un extremo que beneficiaría aos da Raña pero que non está decidido.
Ante estas posicións contrarias, a Federación e os clubs fixaron un calendario de próximas reunións nas que tentar pechar un "acordo maioritario que permita resolver a tempada de forma satisfactoria para todos os estamentos do baloncesto español implicados nela", sinala o organismo reitor do baloncesto nacional.
Relacionadas:
-
Satisfacción na Raña por dar por concluída a liga regular en LEB Oro
Por Redacción |
-
O Peixe Galego sálvase; a Liga LEB Ouro terminará sen descensos
Por Diego Espiño |
-
Conclúe sen acordo a segunda xuntanza entre clubs e FEB para resolver o futuro da LEB Oro
Por Manu Otero |
-
A Xunta baralla a opción de que o deporte base se retome no último trimestre do ano
Por Redacción |
-
VÍDEO.- Mensaxe de ánimo do Peixe Galego aos seus afeccionados ante "o partido máis importante"
Por Redacción |
-
As federacións, ante o momento de tomar decisións sobre como concluír a tempada
Por Diego Espiño |
-
O día que o Peixe bañou en ouro a Marín
Por Manu Otero |
-
Diego Gómez, adestrador do Peixe Galego: "Apostaría por una suspensión definitiva de la competición"
Por Diego Espiño |
-
O baloncesto segue aprazando xornadas, esta vez a do 11-12 de abril
Por Redacción |
-
O Peixe Galego notifica a plantel e corpo técnico a súa intención de aplicar un ERTE
Por Diego Espiño |