Falece Marcelino, outro dos heroes granates da Puentecilla
Por Ramiro Espiño
O Pontevedra queda sen outro dos seus heroes da Puentecilla ao falecer Marcelino, defensa que formaba parte daquel equipo histórico que conseguiu o ascenso a Segunda División un afastado 16 de xuño de 1960, ao derrotar no partido de desempate ao Burgos, cun lendario gol de Guillermo.
Marcelino, xunto con Deza e Cholo, serían dos poucos protagonistas que repetirían tres anos máis tarde cun novo ascenso do club granate, nesta ocasión a Primeira División, aínda que neste caso supoñería o final da súa traxectoria como xogador do cadro pontevedrés, xa que non chegou a debutar en Primeira División, para marchar logo ao Racing de Ferrol.
O seu falecemento tivo lugar na Coruña, onde residía, este pasado xoves, aos 83 anos de idade
Nacido en Carril, Marcelino García Pérez chegou ao Pontevedra, onde estivo catro tempadas, procedente do Arsenal de Ferrol, onde cumprira o servizo militar, aínda que anteriormente formouse no Arosa, sendo clave no seu primeiro ano, o do ascenso, e integrando o equipo que xogou en terreo leonés, cuxa aliñación, hai 60 anos, os máis veteranos non esquecerán nunca: Estévez, Kaki, Deza, Balea, Marcelino, Cholo, Fidel, Guillermo, Carballiñés, Pirelo e Ferreiro.
Relacionadas:
-
Falece Fidel Rodríguez Toubes, ex-alcalde de Ponte Caldelas e xogador histórico do Pontevedra
Por Diego Espiño |
-
E o gañador é... Pontevedra-Lorca do ano 2004, o ascenso a Segunda División
Por Redacción |
-
O 'Gol do allo' perde ao seu protagonista. Falece Rafa Ceresuela
Por Ramiro Espiño |
-
Granate polos catro costados: a cea de gala do 75 aniversario, reencontro de varias xeracións
Por Ramiro Espiño & Diego Torrado |
-
Memorias de ascensos e grandes batallas granates no Teatro Principal
Por Redacción |
-
75 anos de paixón polo Pontevedra
Por Diego Espiño & Mónica Patxot |