A Federación Española de Fútbol amplía a suspensión das competicións e non pon data para o seu regreso
Por Redacción
O fútbol non regresará "ata que as autoridades competentes do Goberno de España e da Administración Xeral do Estado consideren que se poden retomar cando iso non supoña ningún risco para a saúde dos futbolistas, corpo técnico e empregados dos clubs e para o público asistente".
Así o confirmou este luns 23 de marzo a Real Federación Española de Fútbol tras a reunión da Comisión Delegada da Asemblea da institución.
Na práctica isto supón renunciar polo momento a fixar unha posible data de regreso para as competicións como a Segunda División B de fútbol na que milita o Pontevedra, a Terceira División ou a Primeira División Feminina de Fútbol sala á que pertence o Poio Pescamar, entre outras.
Ata o de agora o organismo reitor do balompé nacional só suspendera oficialmente dúas xornadas de competición, as do 14-15 e 21-22 de marzo, aínda que o decreto de estado de alarma e a intención do Goberno de alongalo facía imposible polo momento que a actividade deportiva volvese á normalidade.
A RFEF solicitou ás federacións territoriais, entre elas a galega, que adopten a mesma medida para as competicións de ámbito autonómico.
Relacionadas:
-
O Pontevedra pide a cancelación da competición "para todos" ao ver "inxusta" a proposta de permitir ascensos
Por Diego Espiño |
-
A RFEF abre a porta dar por finalizadas as ligas en 2B, Terceira e Fútbol Sala sen descensos e un play-off express
Por Diego Espiño |
-
Merece algún gol do Pontevedra coarse entre os mellores do curso na Segunda B?
Por Diego Espiño |
-
A Federación Española adiantará 4 millóns aos clubs de Segunda B, Terceira e Fútbol Sala
Por Redacción |
-
A sombra do ERTE sobrevoa sobre os clubs deportivos da comarca
Por Diego Espiño |
-
As federacións Española e Galega de Fútbol apostan por completar a tempada aínda que sexa máis aló do 30 de xuño
Por Redacción |
-
O Pontevedra cancela tamén os adestramentos do primeiro equipo
Por Manu Otero |
-
A Federación suspende as dúas próximas xornadas da Segunda B e categorías inferiores polo coronavirus
Por Manu Otero |