Presentación de gala para a nova tempada do Froiz
Por Redacción & Cristina Saiz
A Avenida Montero Ríos, fronte á sede da Deputación de Pontevedra, foi escenario este venres da presentación oficial da 32ª tempada do Grupo Deportivo Supermercados Froiz.
O equipo ciclista pontevedrés, un dos máis antigos do pelotón nacional, contou na cita coa presenza como padriño de honra de Manolo Saiz, ex-director do equipo profesional Once/Liberty, xunto con centos de nenos e nenas dos colexios San José e Sacro Corazón que deron cor ao acto.
"O Froiz é un club ciclista do que nos temos que sentir orgullosas e orgullosos, polos vosos éxitos deportivos e polos valores que representades", sinalou na súa intervención a presidenta provincial, Carmela Silva, acompañada entre outros polo secretario xeral para o Deporte da Xunta de Galicia, José Ramón Lete, o vencedor do Tour Óscar Pereiro, os alcaldes de Pontevedra e Poio ou o presidente da Federación Galega de Ciclismo, ademais de Magín Froiz.
Pola súa banda o director do Froiz, Evaristo Portela, asegurou que "o equipo está preparado para afrontar os retos que trae esta tempada", un curso que estrearán esta mesma fin de semana competindo no Memorial Manuel Sanroma na localidade manchega de Almagro.
Relacionadas:
-
O Circuito do Guadiana resísteselle ao Froiz no inicio da Copa de España
Por Redacción |
-
O Froiz, presente no Mundial de Ciclismo en Pista en Berlín
Por Redacción |
-
Sensacións positivas para o Froiz na súa primeira competición da tempada
Por Redacción |
-
Ilusións renovadas do Froiz para a súa 32 tempada no pelotón ciclista
Por Diego Espiño |
-
Primeiro podio do ano para o Super Froiz. Iuri Leitao, proclámase campión de Portugal
Por Redacción |
-
Dous ciclistas do Super Froiz, Guillermo García e Adrián Barros, a proba cos profesionais
Por Boris Rodríguez Pintos |
-
O Supermercados Froiz inicia a pretempada cunha xornada de convivencia
Por Redacción |
-
O Supermercados Froiz ficha a Samuel Blanco, campión da Volta a Galicia no 2017
Por Manu Otero |