Pouso despídese do plantel do Pontevedra e Jesús Ramos toma o mando
Por Diego Espiño
Tentando esquivar o protagonismo e con cordialidade. Así se despediu este mércores Carlos Pouso dos que poucas horas antes eran os seus pupilos no Pontevedra Club de Fútbol.
O técnico vasco achegouse ata o campo da Seca, en Poio, xusto cando concluía o adestramento do equipo, despois de ser cesado o martes como adestrador do primeiro plantel granate debido aos malos resultados das últimas semanas, con 3 puntos sumados dos últimos 24 en xogo.
No vestiario esperábanlle xa os xogadores, e tras un breve encontro co corpo técnico e o conselleiro responsable da planificación deportiva, Roberto Feáns, Pouso reuniuse co plantel. Foi un encontro breve, que concluíu cun sonoro aplauso dos futbolistas que se puido escoitar desde o exterior da caseta.
"Como profesional y como persona ha sido un hombre excepcional, ha sido un hombre honesto y honrado con su trabajo", sinalou ao termo da sesión o capitán Edu Sousa.
É de todos os xeitos unha despedida a medias, xa que segundo confirmou o club seguirá ligado ao Pontevedra ata final de tempada noutros labores. Ese labor é o 'scouting' de equipos e seguimento de xogadores en colaboración coa dirección deportiva.
JESÚS RAMOS ASUME O MANDO
A visita de Pouso foi o final dunha xornada de traballo que comezou cedo, minutos antes mesmo das 10:30 horas habituais, e xa baixo o mando de Jesús Ramos, ata o de agora segundo adestrador e que seguirá no cargo polo menos ata final de tempada. Esa é a intención do Pontevedra, sempre que a situación deportiva non empeore.
Ramos, que xa colleu as rendas do equipo como interino tras a saída de Luismi (con resultado de dúas vitorias en dous encontros), mostrouse dialogante cos futbolistas e intenso nas súas indicacións durante os diferentes exercicios, unha intensidade que pretende contaxiar ao equipo para cambiar canto antes a mala serie de resultados.
No adestramento exercitáronse a menor ritmo Campillo, recuperándose dunha escordadura de nocello, e Pedro Vázquez, afectado dun lategazo cervical. A previsión é que o centrocampista poida reincorporarse ao grupo nos próximos días. Ausente estaba Berrocal, pendente do diagnóstico da lesión que se produciu o domingo tras someterse ás pertinentes probas, aínda que a súa baixa é segura durante polo menos varias semanas. A boa nova deune Adrián Cruz, que realizou gran parte da sesión co grupo.
Relacionadas:
-
'Sorpasso' en Huelva ao decano do fútbol da man do exgranate Antonio Fernández
Por Manu Otero |
-
Fede Bahón expresa o seu desexo de ser adestrador do Pontevedra
Por Manu Otero |
-
Bo punto do Pontevedra ante o Atlético de Madrid B na estrea de Jesús Ramos (1-1)
Por Redacción |
-
A versión 3.0 do Pontevedra estréase no feudo do Atlético de Madrid B
Por Diego Espiño |
-
Jesús Ramos: "Si hay una ventaja es que el entrenador del Atlético de Madrid no sabe cómo vamos a jugar"
Por Diego Espiño |
-
Berrocal estará de baixa un mínimo de tres meses
Por Diego Espiño |
-
Carlos Pouso valora a súa saída do Pontevedra: "Reconozco que fui el que dio el primer paso"
Por Diego Espiño |
-
Edu Sousa: "No podemos caer en el error de seguir lamentándonos"
Por Diego Espiño |
-
O Pontevedra 'cárgase' a Carlos Pouso
Por Diego Espiño |
-
O Atlético de Madrid B, unha particular besta negra no peor momento posible
Por Diego Espiño |
-
Calma tensa nun Pontevedra que só pensa xa na permanencia
Por Diego Espiño |
-
O Oviedo B prolonga o estado de depresión dun Pontevedra negado de cara ao gol que segue sen gañar no 2020 (0-1)
Por Manu Otero & Diego Torrado |