Máis de 1.000 deportistas participarán no Campionato de España de Natación Infantil de Verán
Por Ramiro Espiño
Entre o 23 e o 26 de xullo de novo Pontevedra converterase en capital da natación española coa organización a cargo do Club Natación Galaico del Campeonato de España de Natación Infantil de Verán, que terá como escenario a piscina olímpica da Fundación Rías do Sur, en Ponte Muiños, e que conta co patrocinio do Concello de Pontevedra e Deputación Provincial.
O campionato foi presentado na mañá do xoves nas mesmas instalacións de Ponte Muiños, con asistencia do Presidente do club organizador, José Miguel Cano, a quen acompañaban, entre outros, o Presidente da Federación Galega de Natación, Carlos Touriño, o Alcalde de Pontevedra, Miguel Anxo Fernández Lores, e a Deputada Provincial, Ana Isabel Vázquez.
Serán 762 nadadores, pertencentes a 222 clubs de toda a xeografía española, os que se dean cita na competición. O que unido aos seus respectivos técnicos e responsables de equipos, suman a cifra de máis de 1.000 participantes no evento. Entre eles destacar a presenza de 16 clubs galegos, que interveñen con 58 nadadores.
Polo que se refire aos representantes locais, o Club Natación Galaico terá nove representantes, dous rapaces e sete rapazas, cun equipo formado por Inés Gómez, Nuria Erselle, Águeda Cons, Daniel Sánchez, Lucía González, Sheila Moldes, Noe Díaz, Lara Gómez e Sara Seoane. Deles quen máis posibilidades ten de alcanzar unha praza no podio é Nuria Erselle, nas probas de 100 costas e 200 libres, con opcións igualmente para Inés Gómez e Águeda Cons. A nivel de clubs, o obxectivo dos pontevedreses é alcanzar un posto entre os 10 primeiros en categoría feminina.
A distintos días de competición, con entrada libre ás bancadas, que se espera quédense pequenas para albergar público e participantes, desenvolveranse en xornadas de mañá e tarde, disputándose pola mañá as probas clasificatorias e pola tarde as finais e entrega de premios.
A competición comezará o martes, día 23, ás 9:30 horas. A esa mesma hora darán comezo as xornadas matinais dos restantes días, mentres que as vespertinas comezarán ás 17:30 horas, os tres primeiros días, e o venres ás 16:30 horas, tendo prevista a finalización do campionato arredor das 18:25 horas.
Como novidade importante para facilitar o seguimento da competición, o Natación Galaico e a Fundación Rías do Sur instalarán unha pantalla na que se poderán visualizar os nomes e tempos dos deportistas participantes, antes e despois de cada proba.