O Cisne 'esmaga' o Zarautz e segue líder (33-22)
Por Almu Dapena & Diego Torrado
No día da presentación dos equipos basee, o Cisne recibiu no Centro Galego de Tecnificación Deportiva ao Zarautz para disputar o partido pertencente á xornada 13 da División de Honra Prata.
Os de Jabato chegaron á cita coa intención de seguir prolongando o seu bo momento na categoría, e por iso empezaron o partido mandando no marcador cun contundente 4-0 que xa deixaba ver o que ía suceder.
O Zarautz buscaba facer dano con ataques rápidos e parecía que espertaba despois de enviar á rede catro balóns que reducían a distancia en dous goles (6-4) cando se cumprían o primeiros dez minutos de partido.
O ritmo marcábano os locais, que optaban por ataques posicionales para abrir espazos e facer dano cos lanzamentos de Andrés Sánchez. O Cisne atopábase cómodo vendo como os lanzamentos do seu rival estrelábanse contra Villamarín e lograban unha vantaxe de seis goles, máxima ata o momento (12-6).
Chegábase á recta final da primeira metade e o dominio dos brancos era claro. O Zarautz precipitábase nos pases e nos lanzamentos, erros que souberon aproveitar os de Pontevedra para chegar ao descanso cun claro 17-10 que lles deixaba o partido practicamente sentenciado.
A segunda parte seguiu a mesma tónica que a primeira. Os de Jabato dominaron e aumentaron a barreira ata os oito goles, momento no que o técnico do Zarautz pediu tempo morto para tentar maquillar o resultado pero nada puideron facer xa que os seus lanzamentos seguíanse atopando con Villamarín e a desvantaxe ampliaba cada vez máis (27-14).
De novo os visitantes pedían tempo morto e conseguían reducir a diferenza a 10 goles cando quedaban 13 minutos para que o partido concluíse. O Cisne estaba tranquilo e aproveitaba os seus ataques deixando que o cronómetro correse para chegar ao final do encontro cun contundente 33-22.
Consulta as estatísticas do partido Cisne-Zarautz na seguinte ligazón.
Relacionadas:
-
O desgaste físico non pode co Cisne que vence ao Bordils para seguir líder (32-29)
Por Almu Dapena & Diego Torrado |
-
A vida segue igual para o Cisne, que vence con claridade o Torrelavega e é máis lider (27-21)
Por Manu Otero & Cristina Saiz |
-
O líder volve á competición para defender o trono de prata
Por Manu Otero |
-
España cita o cadete do Cisne, Rubén Sequeiros, para unha concentración xuvenil en Sierra Nevada
Por Manu Otero |
-
O Ismai de Portugal vence o Cisne no XXVI Memorial Manuel Luaces (26-35)
Por Redacción & Diego Torrado |
-
O Ismai portugués, rival do Cisne no Memorial Luaces tras o aprazamento do partido de liga en Alcobendas
Por Redacción |
-
Cisne e Teucro, dúas maneiras opostas de afrontar o parón do Nadal
Por Diego Espiño |
-
O Cisne vence o Barcelona B nun partido de infarto (33-34)
Por Almu Dapena |
-
O Cisne prolonga o seu bo momento con vitoria ante o Antequera (22-20)
Por Almu Dapena & Diego Torrado |
-
O Cisne aproveita os erros ofensivos do Zamora e segue líder (27-24)
Por Almu Dapena |
-
O Cisne estrélase contra o porteiro do Palma del Río pero volve gañar (20-22)
Por Almu Dapena |