O Poio Pescamar golea o Xaloc Alacant e colócase cuarto (5-0)
Por Redacción & Diego Torrado
Despois de clasificarse este venres para a seguinte rolda da Copa da Raíña tras vencer ao Fisgón, o Poio Pescamar recibiu este domingo no pavillón da Seca ao pechacancelas da liga, o Xaloc Alacant.
Buscando a súa sexta vitoria consecutiva e quinta en liga, as de Raúl Jiménez golearon ao seu rival por cinco goles a cero, resultado que lles permite coarse no cuarto posto da clasificación e que lles dá a opción de xogar o play-off polo título.
O Poio saíu con todo para manter o refacho de máis dun mes sen perder na casa. Aínda que o seu rival mostrouse moi combativo, no minuto 6 xa encaixaron o primeiro tanto. Foi Clara a encargada de finalizar unha xogada de estratexia para poñer ás vermellas por diante no marcador.
Cinco minutos máis tarde, Mirian aumentaba a renda local cun gol ao segundo pau para chegar ao descanso co 2-0.
Xa na segunda parte, co Poio pelexándoo todo, Andrea Feijoo facía o terceiro gol á saída dun saque de esquina no minuto 23 e deixaba practicamente sentenciado o encontro.
Quedaban 5 minutos e as galegas querían redondear a vitoria. Clara enviaba o balón á rede despois dun pase de Andrea ao segundo pau e acto seguido, Daniela Sousa facía o mesmo á saída dunha falta rematando dentro da área en xogada de estratexia para deixar o 5-0 final no luminoso.
POIO PESCAMAR (5): Caridad; Clara, Irene, Daniela Sousa e Iria (quinteto inicial). Tamén xogaron, Carol, Andrea Feijoo, Mirian, Ana Rivera e Anna Escribano.
XALOC ALACANT (0): Toñi; Mireia, Angie, Tere e Miri (quinteto inicial). Tamén xogaron, More, Eva Ortiz, Laura, Elena, Morote, Lida, María e Gemma (segunda porteira).
Árbitros: Amoestaron a María, por parte do Xaloc e Daniela no Poio Pescamar.
Goles: 1-0, min. 6 Clara. 2-0, min. 11 Mirian. 3-0, min. 23 Andrea Feijoo. 4-0, min. 37 Clara. 5-0, min. 38 Daniela Sousa.
Incidencias: Pavillón Municipal de Poio. Máis de 250 espectadores.
Relacionadas:
-
O Poio Pescamar derrota ao Sala Zaragoza e pecha o 2019 en postos de playoff (2-1)
Por Manu Otero |
-
Empate pola mínima entre o Roldán e o Poio Pescamar que segue cuarto (1-1)
Por Redacción |
-
O Poio Pescamar quere consolidar a súa cuarta praza en Murcia
Por Redacción |
-
Ourense Envialia, duro rival para o Poio Pescamar nos oitavos de final de Copa
Por Redacción |
-
O Poio Pescamar avanza á segunda rolda da Copa da Raíña tras vencer a O Fisgón (1-5)
Por Redacción & Diego Torrado |
-
O Poio Pescamar remonta para vencer ao Leganés e seguir á espreita da cuarta praza (2-4)
Por Redacción |
-
Terceira vitoria consecutiva do Poio Pescamar con goleada ao Cidade das Burgas (5-2)
Por Redacción & Diego Torrado |
-
Goleada do Poio Pescamar na súa visita o Majadahonda (1-5)
Por Redacción |
-
Un gol no último suspiro dá a vitoria o Poio Pescamar ante o Móstoles (2-1)
Por Diego Torrado & Redacción |