O partido internacional que xogarás as seleccións nacionais de fútbol sala feminino de España e Xapón no pavillón da Raña empeza a vivirse en Marín.

O Museo Manuel Torres acolleu este mércores a presentación oficial do choque, que se disputará o vindeiro martes 10 de decembro (20:00 horas) no pavillón marinense, xunto ao que terá lugar un día despois en Burela.

No acto compareceron representantes de Club Deportivo La Peña, Real Federación Galega de Fútbol e Federación Española como organizadores, a alcaldesa María Ramallo e a seleccionadora nacional, Claudia Pons.

"El objetivo es preparar la fase de clasificación del Europeo", recoñeceu a adestradora da actual campiona continental sobre un encontro que prevé complicado porque "es una selección que hace tiempo que no competimos contra ella y que es muy diferente a lo que estamos acostumbradas".

Na presentación resaltouse o feito de que máis da metade das xogadoras convocadas para estes encontros amigables de Marín e Burela son galegas ou xogan en equipos da comunidade. De feito na lista figura a pontevedresa Jenny Lores ou as futbolistas do Poio Pescamar Caridad e Ana Rivera.

"Galicia tiene a día de hoy 2.400 licencias de fútbol sala femenino y queremos seguir progresando", completou pola súa banda Pablo Prieto desde a Federación Galega, que apostou forte por acoller estes eventos.

As entradas para presenciar o España-Xapón están á venda con prezos para o público de 6 e 3 euros.