O Teucro sofre pero vence ao Alcobendas (31-26)
Por Almu Dapena & Diego Torrado
A Sociedade Deportiva Teucro necesitaba unha vitoria despois de encadear tres derrotas consecutivas e un empate nos últimos catro partidos disputados. Por iso saíu forte á cancha do Pavillón Municipal para enfrontarse a un Alcobendas situado no quinto posto da clasificación e que viña de gañar o seu anterior encontro.
O partido comezou cun parcial de 3-0 a favor dos locais no primeiros cinco minutos de partido. O Alcobendas reaccionaba pero non lograba igualar a un poderoso Teucro que mantiña ese pequeno colchón no seu marcador que, por máis que o seu rival tentaba reducir, non o lograba.
Chegábase ao ecuador da primeira metade e os azuis, liderados por Iván Rodríguez (10 goles), afastábanse en 6 tantos do seu rival, que conseguían reducir nun gol o resultado, para chegar ao descanso cun claro 17-12.
O encontro estaba a favor do Teucro pero, como vén sendo habitual, chegaron os malos minutos. O Alcobendas aproveitou dúas exclusións de Poveda para poñerse a tan só un gol de diferenza (24-23).
A vitoria comezaba a perigar, pero grazas a dous rápidos contra golpes e á boa finalización de Andrés Torres, o partido volvía encarrilarse a favor dos de Luís Montes para finalizar cun contundente 31-26.
Consulta as estatísticas do partido Teucro-Alcobendas na seguinte ligazón.
Relacionadas:
-
Ridículo do Teucro ante o Atlético Novás (24-35)
Por Almu Dapena & Diego Torrado |
-
Volta ás andadas do Teucro na cancha do Bordils (33-24)
Por Diego Espiño |
-
Bordils, último desprazamento do ano para o Teucro
Por Diego Espiño |
-
Duros rivais para Teucro e Cisne nunha xornada con dobre ración de balonmán na cidade
Por Redacción |
-
Preocupación no Teucro pola lesión no ombreiro de Ferrán Cisneros
Por Diego Espiño |
-
O Teucro tira ao lixo un punto en Zarautz (29-29)
Por Diego Espiño |
-
Un Teucro sen recursos perde dous valiosos puntos contra o Barcelona B (24-26)
Por Almu Dapena & Diego Torrado |
-
O Teucro non remonta e cae derrotado ante o Antequera cun gol sobre a bucina (21-20)
Por Almu Dapena |