Javier Gómez Noya e Iván Raña recibirán a Orde Olímpica do COE
Por Diego Espiño
O Comité Olímpico Español (COE) outorgará a súa máxima distinción deportiva, a Orde Olímpica, a dous triatletas ligados estreitamente á cidade de Pontevedra, como son Javier Gómez Noya e Iván Raña.
Así o aprobou por unanimidade este martes o comité executivo do COE, reunido en Madrid.
Gómez Noya, ilustre veciño da Boa Vila, recibirá así una das poucas distincións que aínda non figuraban no seu palmarés. Dúas veces olímpico (Pequín e Londres) e cunha medalla de prata no seu haber, a de 2012, o triatleta atesoura cinco campionatos mundiais ITU en modalidade olímpica, dous mundiais Ironman 70.3, un mundial XTerra e o título do mundial de longa distancia celebrado este ano precisamente en Pontevedra.
Tamén recibirá a orde Olímpica o galego Iván Raña. O de Ordes, que durante anos tivo en Pontevedra o seu lugar habitual de adestramento, é un auténtico pioneiro neste deporte. Foi o primeiro campión mundial español (2002) e competiu nos Xogos de Sydney, Atenas e Pequín,
Ambos foron premiados pola súa importante contribución aos valores do olimpismo.
A entrega destas distincións terá lugar no transcurso da XIV Gala do Comité Olímpico Español que se celebrará o próximo 11 de decembro na sede do COE.
Relacionadas:
-
Javier Gómez Noya recibe a orde olímpica do COE
Por Redacción |
-
A preparación de Gómez Noya para os Xogos Olímpicos pivotará sobre as Series Mundiais
Por Diego Espiño |
-
Gómez Noya vence no Ironman de Malaisia e consegue o billete directo para Hawaii 2020
Por Almu Dapena |
-
Anna Godoy e Mario Mola, vencedores na espectacular posta en escena do Pro Tour de tríatlon
Por Diego Espiño & Diego Torrado |
-
Ouro para Gómez Noya no Ironman 70.3 de Cascais
Por Almu Dapena |
-
Gómez Noya volverá competir con licenza galega no 2020
Por Manu Otero |