O Cisne estrélase contra o porteiro do Palma del Río pero volve gañar (20-22)
Por Almu Dapena
Líder contra pechacancelas enfrontáronse esta fin de semana en Córdoba. O Cisne desprazouse a terras andaluzas para disputar ante o Palma del Río un partido que se antollaba complicado para os de Pontevedra ao tratarse dunha cancha na que todos os rivais tiveron dificultades para vencer. O claro protagonista do encontro foi o porteiro local que puxo contra as cordas aos de Jabato que vían como cada lanzamento estrelábase no corpo de Fernando Torres.
Comezou o partido co Cisne mandando no electrónico, logrando unha primeira vantaxe de 3 goles cando se cumprían os primeiros 7 minutos de partido (2-5), pero dous posteriores erros nos lanzamentos, provocaron que os locais reducisen a vantaxe a 1.
Alcanzábase o ecuador da primeira metade e os de Pontevedra volvían aumentar en 3 unha renda que perigaba por momentos. Durante os seguintes 5 minutos o protagonismo foi de ambos os gardametas que impediron que o marcador cambiase (8-10).
A bancada arroupaba aos seus e o Cisne seguía errando nos lanzamentos, polo que esa diferenza de dous goles viuse igualada nos últimos compases da primeira metade para chegar ao descanso cun empate a 12.
Tras o intermedio, o Palma del Río poñíase por diante por segunda vez no partido tras o 1-0 do principio, e o Cisne comezaba a sufrir fallando ata 4 penaltis nesta metade. A Jabato non lle gustaba o que vía sobre a cancha e pediu un tempo morto valioso que supuxo un cambio no sistema de xogo dos brancos que anotaban un parcial de 0-3 e poñían o 16-17 no marcaador.
Quedaban 13 minutos e o partido estaba tolo. De novo os locais poñíanse por diante e o Cisne reaccionaba non só empatando, senón índose con dous arriba, que puideron ser máis senón fóra polas paradas do porteiro local, Fernando Torres.
Finalmente, o partido concluíu cun 20-22 a favor do Cisne, resultado que os mantén líderes da clasificación unha semana máis.
Consulta a acta do partido entre Palma del Río-Cisne na seguinte ligazón.
Relacionadas:
-
O Cisne 'esmaga' o Zarautz e segue líder (33-22)
Por Almu Dapena & Diego Torrado |
-
O Cisne vence o Barcelona B nun partido de infarto (33-34)
Por Almu Dapena |
-
O Cisne prolonga o seu bo momento con vitoria ante o Antequera (22-20)
Por Almu Dapena & Diego Torrado |
-
O Cisne aproveita os erros ofensivos do Zamora e segue líder (27-24)
Por Almu Dapena |
-
O Teucro viaxa a Zarautz sen Ferrán Cisneros e o Cisne defende o seu liderado ante o Zamora
Por Redacción |
-
Cautela no líder Cisne antes de viaxar á pista do pechacancelas Palma del Río
Por Redacción |
-
O Cisne saca a garra nos últimos minutos e imponse o Sarrià (30-25)
Por Almu Dapena & Diego Torrado |
-
Un Cisne moi superior volve gañar o derbi do Lérez ante o Teucro (26-33)
Por Almu Dapena & Diego Torrado |