Antequera, difícil saída para un Teucro que busca recobrar a inercia positiva
Por Diego Espiño
Esquecer canto antes a súa derrota no derbi é o obxectivo dun Teucro que quere volver á boa senda e sensacións de semanas atrás. Non será tarefa sinxela, xa que os azuis visitan este sábado (18:30 horas) a cancha de "uno de los claros favoritos al pelotón de cabeza" como é o Antequera.
Así os cualifica Luís Montes, para quen se trata dun partido de "altísima exigencia" ante un "bloque muy sólido" no destacan dous homes como Chispi na primeira liña e Diego Moyano en portería.
"Nos va a obligar a hacer las cosas realmente bien", mantén o técnico, quen asegura que "tenemos muchas ganas de desmotrar que la realidad del equipo a día de hoy se parece más a las semanas de Palma, Zamora o Sarriá que a la semana pasada donde no estuvimos al nivel que nos hubiese gustado".
Montes poderá contar con todo o primeiro plantel á súa disposición, a pesar de que Fran Bujalance e Nemanja Bojicic exercitáronse durante a semana a menor ritmo por problemas físicos. Ambos os dous con todo entran nunha convocatoria que completa o xogador do filial Roi Sierra, ocupando a praza do seu compañeiro canteirán Diego Prada que foi citado nunha mesa electoral.
O Antequera chega á cita na décima posición da División de Honra Prata con 8 puntos, 2 menos que o Teucro pero cun encontro aínda por disputar.