Un Cisne moi superior volve gañar o derbi do Lérez ante o Teucro (26-33)
Por Almu Dapena & Diego Torrado
O Pavillón Municipal dos Deportes acolleu esta fin de semana o derbi máis esperado para os pontevedreses. Despois da vitoria do Cisne ante o Teucro na Copa do Rey, os de Luís Montes buscaban o desquite para poder seguir líderes na clasificación; mentres que os de Jabato chegaban á cita no terceiro posto e cun partido menos disputado.
O partido comezou co Teucro moi ben en ataque conseguindo unha diferenza de 2-0 pero enseguida o Cisne deu a volta ao marcador e logrou 3 tantos seguidos cando se cumprían os 7 minutos de encontro (2-3). Os fallos en ataque dos de azul e as boas intervencións de Villamarín, provocaron que os de branco lograsen un parcial de 1-5 cando se cumpría o ecuador da primeira metade (3-8), todo iso marcado pola polémica arbitral en varias xogadas para ambos os equipos.
Durante os seguintes compases, os de Jabato seguiron sendo superiores ao seu rival chegando a aumentar a diferenza en ata 8 goles, distancia que o Teucro só puido recortar nun tanto antes de chegar ao descanso (9-16).
Tras o paso polo vestiario, a afección do Teucro estaba envorcada en animar ao seu equipo, que seguía sen reaccionar e vía como o seu rival atopábase cada vez máis tranquilo co paso dos minutos. Co resultado de 16-24 chegábase á metade do segundo tempo, marcada pola gran actuación de Javi Vázquez ( 9 goles) e de Andrés Sánchez (6 goles).
Quedaban 15 minutos de partido e os de Luís Montes mostrábanse cada vez máis apáticos, o tempo corría e a bancada comezaba a baleirarse. Co Teucro decaído e o Cisne gozando de cada xogada, o encontro quedou sentenciado nun 26-33 final.
Con este resultado, o Cisne suma dous valiosos puntos que o sitúan de novo no primeiro posto da clasificación a pesar de contar cun partido menos que o Teucro, co que está empatado a 10 puntos e atópase en segundo lugar.
Consulta a acta do partido entre Teucro-Cisne na seguinte ligazón.
Relacionadas:
-
O Cisne vence o Barcelona B nun partido de infarto (33-34)
Por Almu Dapena |
-
Un Teucro sen recursos perde dous valiosos puntos contra o Barcelona B (24-26)
Por Almu Dapena & Diego Torrado |
-
O Cisne estrélase contra o porteiro do Palma del Río pero volve gañar (20-22)
Por Almu Dapena |
-
Cautela no líder Cisne antes de viaxar á pista do pechacancelas Palma del Río
Por Redacción |
-
O Teucro abona unha multa por atrasarse no pagamento de dúas arbitraxes
Por Diego Espiño |
-
O Teucro non remonta e cae derrotado ante o Antequera cun gol sobre a bucina (21-20)
Por Almu Dapena |
-
O Cisne saca a garra nos últimos minutos e imponse o Sarrià (30-25)
Por Almu Dapena & Diego Torrado |
-
O Cisne defende o liderado ante o combativo Sarrià
Por Redacción |
-
Antequera, difícil saída para un Teucro que busca recobrar a inercia positiva
Por Diego Espiño |
-
Teucro-Cisne, un partido que "lo tiene todo para animar a la gente a venir"
Por Diego Espiño |
-
O Teucro imponse ao Palma del Río e colócase líder en solitario (25-29)
Por Almu Dapena |
-
Un superior Villa de Aranda acaba coa boa serie do Cisne en liga (28-26)
Por Almu Dapena |
-
Triunfo histórico do Cisne ante o Teucro na Copa do Rei (29-24)
Por Almu Dapena & Diego Torrado |