Raxó, escenario durante toda a ponte do Campionato de España de Fórmula Windsurfing
Por Diego Espiño
As augas da ría de Pontevedra serán escenario durante a ponte festiva dunha gran competición nacional organizada polo Club Náutico de Raxó.
Trátase do Campionato de España de Fórmula Windsurfing, que reunirá a ao redor de 40 deportistas chegados desde diferentes puntos da xeografía nacional e tamén desde Portugal, entre os que se atopa o vigués Juan Vieito, sexto no último mundial da especialidade.
Durante tres xornadas está previsto que se disputen un máximo de 12 mangas competitivas, 4 por día, empezando o venres 1 de novembro ás 15:00 horas e seguindo o sábado día 2 ás 12:00 horas e o domingo tamén ás 12:00.
"As previsións son moi favorables. Aínda que tira para atrás a choiva o vento vai a ser inmellorable", sinalou na presentación do campionato Simón Fernández.
Segundo explicaron na devandita presentación, o peirao de Raxó e o miradoiro á ría son dúas das zonas de terra desde as que mellor se poderá seguir a evolucións dos deportistas.