Dúas vitorias e unha derrota na estrea da tempada do Bádminton Pontevedra na Primeira Nacional
Por Redacción
A liga de Primeira Nacional deu comezo para o Club Bádminton Ravachol Pontevedra cunha tripla xornada celebrada na localidade catalá de Granollers.
Ante a baixa de última hora de Noelia Gestoso por enfermidade, o equipo pontevedrés afrontou a competición con Manuel Brea, Ana Carbón, Miguel Sanluis, Amaia Torralba e os capitáns Alejandro Nogueira e Raquel Miguens, conseguindo sumar dous triunfos e encaixando unha derrota.
O primeiro rival do Ravachol foi o CB Granada, recentemente ascendido á categoría. Tras un dobres mixto de máxima igualdade, o primeiro punto caeu ao lado granadino, pero a remontada chegou cos dobres de Miguens e Carbón no feminino e Nogueira e Sanluis no masculino. Os andaluces puxeron de novo as táboas no primeiro individual, pero Nogueira, Ana Carbón e Manuel Brea puxeron o definitivo 5-2 no marcador.
O seguinte rival era o Club Universidad de Valladolid, que puxo as cousas difíciles aos pontevedreses, xa que se adiantaron por 2-3 deixando sen marxe de erro ao equipo nos últimos partidos, nos que Carbón e Brea venceron para conseguir o segundo triunfo da competición.
Por último a derrota chegaría ante o CB Oviedo B, que de inicio marcou un 0-3 que deixaba contra as cordas ao Bádminton Pontevedra. De novo Carbón e Brea liquidaron os seus partidos e facían respirar ao equipo, pero Raquel Miguens non puido vencer a Laura Álvarez noutro partido de infarto que supuxo a derrota.
Con estes resultados, o Ravachol colócase sétimo na clasificación á espera da seguinte xornada, que se disputará en Granada os días 2 e 3 de novembro.
Relacionadas:
-
Pleno do Bádminton Ravachol na segunda xornada de Primeira Nacional
Por Redacción |
-
Triunfo por partida dobre de Natalia Murio no Máster de Sevilla de bádminton
Por Redacción |
-
O Bádminton Ravachol, satisfeito dos seus resultados no Trofeo Cidade de Pontevedra
Por Redacción |
-
O trofeo Cidade de Pontevedra reúne no CGTD un centenar de xogadores de bádminton
Por Manu Otero |
-
Éxito do Bádminton Pontevedra en Collado Villalva e As Neves
Por Redacción |
-
O Bádminton Ravachol pecha o seu plantel coa fichaxe de Gabriel Fernández
Por Redacción |
-
Pablo Sanmartín e Miguel Serrano, novas fichaxes do Bádminton Ravachol
Por Redacción |