O Arxil cae diante do Zamarat no partido de presentación ante o seu público (48-63)
Por Redacción
O Arxil encaixou unha nova derrota no encontro de presentación diante do seu público que tivo lugar o sábado no CGTD.
A pesar da boa imaxe mostrada polas verdes, o Zamarat, da máxima categoría nacional de baloncesto feminino, fixo valer a súa condición de equipo de superior categoría para superar ás locais, que aínda non saben o que é gañar nesta pretemporada a pesar de que desde o club destacan as boas sensacións que están a exhibir as mozas de Mayte Méndez.
As visitantes, que contan os seus partidos preparatorios por vitorias, sorprenderon cun irresistible primeiro cuarto no que sentenciaron o partido cun 8-29. As verdes lograron refacerse no seguinte período ao asinar un 21-26, deixando un desigual 29-55 no luminoso ao descanso.
A segunda parte volveu estar disputada aínda que as de Zamora seguiron dominando o xogo. O terceiro cuarto pechouse cun 15-19 e o cuarto, 12-18, que deixou o resultado final en 48-63.
"A pesar da derrota, o CB Arxil volveu agradar ao seu público", explican desde a directiva do club, que ven ao primeiro equipo preparado para iniciar a liga dentro de dúas semanas.
Relacionadas:
-
O Arxil debuta en liga con derrota ante o Celta (50-70)
Por Redacción & Diego Torrado |
-
O Arxil, "a pleno rendemento" ante o inicio da Liga Feminina 2
Por Redacción |
-
Os tiros libres condenan a un Arxil que acumula a súa terceira derrota en Copa Galicia
Por Redacción |
-
O Arxil cae fronte ao Celta Zorka na segunda xornada de Copa Galicia
Por Redacción |
-
O Arxil debuta con derrota ante o Ferrol na Copa Galicia (65-79)
Por Redacción |
-
O Arxil volve á carga tras as vacacións
Por Almu Dapena & Mónica Patxot |
-
O Arxil pide aos seus afeccionados que se fagan socios como regalo polo seu 35 aniversario
Por Redacción |