Alexis Vieitez impón a súa lei en Ponte Caldelas
Por Manu Otero
Alexis Viéitez volveu subirse todo o máis alto do podio na Subida a Ponte Caldelas. O piloto da escuadra Buxa Motor Poio foi o máis rápido nas catro mangas disputadas no trazado caldelano entre o sábado e o domingo. A súa mellor marca chegou na última subida desta mañá ao deter o crono nun minuto e 59 segundos.
En segundo lugar acabou Alberto Senín, mentres que Miguel García foi terceiro. Con esta vitoria, Vieitez afianza aínda máis o seu liderado na clasificación xeral do Campionato Galego de Montaña
Un dos aspectos máis destacados do evento foi a numerosa presenza de público nunha proba que ano tras ano ve como o número de espectadores aumenta. A pinza que dá acceso á pista de Esfarrapada, pola espectacularidade do paso de pilotos a toda velocidade por esta curva, foi o sitio favorito para a maior parte dos espectadores.
Informan desde o Concello que a organización da proba foi excelente e que non houbo que lamentar ningún tipo de incidente, nin problemas de seguridade.
Relacionadas:
-
Os motores volverán ruxir en agosto coa V Subida a Ponte Caldelas
Por Redacción |
-
O título de campión galego de rally de montaña xa leva o nome de Alexis Vieitez
Por Redacción |
-
Alexis Viéitez non falla e imponse na XXII edición da Subida a Pontevedra
Por Sofía Lorenzo & Cristina Saiz |
-
Alexis Viéitez consegue un novo coche e apunta á Subida A Pontenova
Por Diego Espiño |