O tríatlon nacional estreará outra nova competición en Pontevedra, o Campionato de España Contrarreloxo Individual
Por Diego Espiño
Pontevedra será banco de probas doutra nova competición de tríatlon, que se disputará paralelamente ao recentemente presentado ProTour.
Trátase do Campionato de España Contrarreloxo Individual, que se estreará no calendario o día 12 de outubro nas rúas da cidade.
Se no ProTour poderanse ver en acción aos mellores 80 triatletas nacionais da tempada, 40 en categoría masculina e 40 na feminina, segundo ranking e clasificación nos campionatos nacionais, a competición contrarreloxo que lle acompaña está pensada para os deportistas dos grupos de idade.
A normativa do novo Campionato de España Contrarreloxo Individual aínda non se fixo pública, pero si se sabe xa que se disputará sobre distancia sprint.
Esta proba completará a programación dunha fin de semana, 12 e 13 de outubro, na que estarán na Boa Vila os mellores triatletas nacionais para verse as caras nun formato pensado para o espectáculo.
Os percorridos, ao contrario que os últimos grandes eventos, será reducido e estará concentrado na contorna da ponte dos Tirantes e a Avenida de Bos Aires.
Relacionadas:
-
A choiva obriga a reformular o Pro Tour de tríatlon, que se concentra nunha intensiva xornada de sábado
Por Diego Espiño |
-
Comezan as restriccións de estacionamento con motivo do ProTour de tríatlon
Por Redacción |
-
VÍDEO.- Así será o percorrido do Pro Tour de tríatlon que se estrea en Pontevedra
Por Redacción |
-
O Pro Tour de tríatlon redondea a súa estrea en Pontevedra con tres campións mundiais e un cartel de luxo
Por Diego Espiño |
-
As derradeiras prazas do Pro Tour, en xogo no Nacional da Coruña
Por Redacción |
-
Gómez Noya e Pablo Dapena, a pola gloria no mundial de Ironman de Niza
Por Manu Otero |
-
O campionato galego de triatlón reunirá en Pontevedra a máis de 550 deportistas
Por Manu Otero |
-
Gómez Noya, Mola, Alarza e Miriam Casillas, entre os deportistas con praza para o Pro Tour de Pontevedra
Por Redacción |
-
VÍDEO.- Presentan a primeira edición do Pro Tour de tríatlon que acollerá Pontevedra en outubro
Por Diego Espiño |
-
Pontevedra será candidata para acoller a final das Series Mundiais de tríatlon
Por Oskar Viéitez & Nacho Fuentes |