O Arxil volve renunciar por motivos económicos ao ascenso do seu filial a Primeira Nacional
Por Redacción
© Club Baloncesto Arxil
Dúas tempadas despois, aspectos económicos evitarán o ascenso do filial do Club Baloncesto Arxil á Primeira División Nacional.
O conxunto pontevedrés gañou o dereito para dar o salto á categoría nacional tras proclamarse campión galego o pasado mes de maio despois de vencer na Coruña o Maristas.
Con todo, do mesmo xeito que o que aconteceu en 2017, tras meditalo coidadosamente, o Arxil decidiu renunciar á praza.
Os motivos esgrimidos pola entidade responden á imposibilidade de facer fronte ao custo dos desprazamentos a Asturias, Cantabria e Castela-León, e que ademais pretende que varias xogadoras alternen regularmente os seus encontros co filial cos do equipo de Liga Feminina 2, algo que se dificultaría no caso de saír en Primeira Nacional.
Desta forma, tendo en conta tamén os compromisos laborais e de estudos das súas xogadoras, aseguran desde o club, decidiron "renunciar con dor a este logro", polo que o filial competirá un ano máis na Liga Galega de Primeira División.
Relacionadas:
-
O Arxil inscribe, esta vez si, o seu filial na Primeira Nacional confirmando o ascenso de categoría
Por Diego Espiño |
-
O Arxil Mafari volverá competir na liga galega, que suma dous novos equipos e divídese en dous grupos
Por Redacción |
-
A estadounidense Heather Forster, segunda incorporación do Arxil
Por Redacción |
-
Cristina Díaz-Pache, cuarta xogadora confirmada no Arxil
Por Redacción |
-
O Grove será escenario en setembro da renovada Copa Galicia de baloncesto feminino
Por Redacción |
-
O Arxil formaliza a súa inscrición un ano máis na Liga Feminina 2
Por Redacción |
-
O filial do Arxil proclámase campión galego e gaña unha praza en Primeira Nacional
Por Redacción |