Andrea González, brillante medalla de prata para a Gimnástica no Campionato de España Sub-23
Por Redacción
Unha medalla de prata foi o balance da Sociedad Gimnástica no Campionato de España Sub-23 de atletismo celebrado na localidade de Tarragona.
O conxunto pontevedrés desprazou á cita a cinco atletas, sendo o resultado máis destacado o conseguido por Andrea González no concurso de lanzamento de xavelina.
González fíxose coa prata nacional nunha competición na que xa no seu primeiro lanzamento se puxo en segunda posición e no que foi mellorando ata unha mellor marca de 45.58 metros, só superada por Claudia Lapuerta (Grupoempleo Pamplona At) con 46.18 metros. Terceira foi Marta Ruiz-Valdepeñas (Unicaja Jaén) cun rexistro de 42.71.
Tamén foron notorias as participacións de Xiana González, Ben Amar Djellal e Claudia Puig. A primeira conseguiría meterse na final dos 200 metros por tempos, onde finalizaba sétima cun tempo de 25.42.
Ben Amar tamén avanzou de rolda nos 1.500 metros e na final tamén obtivo a sétima posición. A lanzadora Claudia Puig participou en xavelina e en disco, logrando en ambas as disciplinas o quinto posto con 28.85 e 26.30 metros respectivamente.
Por último, o marchador Daniel Chamosa quedou sexto, aínda que lle sabe a pouco xa que a falta de 80 metros de meta foi sancionado cunha parada. A pesar disto, conseguiu facer a súa mellor marca persoal cun rexistro de 43:44.42.
Relacionadas:
-
O marinense Nicolás García logra un décimo posto no Europeo Sub-20 de atletismo
Por Redacción |
-
Inmellorables resultados da Gimnástica no Galego Absoluto de atletismo
Por Sofía Lorenzo & Cristina Saiz |
-
A Gimnástica suma experiencia no Campionato de España Sub-20 de atletismo
Por Redacción |
-
Obxectivo cumprido: A Gimnástica sela a permanencia na División de Honra masculina e Primeira feminina
Por Redacción |
-
A Gimnástica logra o terceiro posto en Valencia e dá un paso cara á permanencia en División de Honra
Por Redacción |
-
Medalla de bronce 'en diferido' para a remuda da Gimnástica no Campionato de España absoluto
Por Redacción |