A Federación convoca a catro cisneístas no CAR de Sierra Nevada
Por Sofía Lorenzo
O centro de alto rendemento de balonmán de Sierra Nevada recibirá, o próximo mes de setembro, a preto de 50 mozos xogadores, entre os que se atoparán catro cisneístas.
O central Victor Fernández, o extremo dereito Carlos Álvarez (tamén convocado cos Hispanos Promesas para disputar o Europeo Open) e os pivotes Román Arboleya e Dani Virulegio, nacidos entre 2002 e 2003, son os premiados pola área técnica da Federación Española de Balonmán polos logros conseguidos ao longo da recentemente terminada tempada.
O Cisne está, unha vez máis, de parabén e convértese, así, nun dos clubs que máis xogadores achegan á concentración deportiva, xunto aos tamén catro do Ademar León. Tan só son superados polo Barça, que contará con cinco dos seus mozos na cita granadina.
A concentración terá lugar entre os días 18 e 25 do próximo mes de setembro e, aínda que o número de convocados é alto, nas próximas semanas completarase a lista de nomes de xogadores seleccionados.
Relacionadas:
-
Miguel Simón acepta seguir un ano máis no Cisne
Por Redacción |
-
O plantel do Cisne, a un paso de pecharse tras a renovación de Juan Novás e a fichaxe de Dani López
Por Redacción |
-
Jorge Villamarín continurá defendendo a portería cisneísta un ano máis
Por Sofía Lorenzo |
-
O 'último' servizo de Pablo Picallo ao Cisne
Por Redacción |
-
Emilio Pintos 'Milucho' regresa ao Teucro como director da base
Por Redacción |
-
O pontevedrés Carlos Álvarez, convocado cos Hispanos Promesas para xogar o Europeo Open
Por Redacción |