Pablo Dapena, clasificado para o Mundial Ironman 70.3 de Niza
Por Sofía Lorenzo
Pablo Dapena conseguiu, esta fin de semana, a clasificación directa para o Mundial de Niza, que se disputará o próximo mes de setembro.
O pontevedrés debutou este domingo na franquicia Ironman no 70.3 de Suiza e fíxoo cun gran resultado. Logrou finalizar en segunda posición, cun tempo de 03:49:29, tan só por detrás do alemán Andi Boecherer (03:48:30), que xa tiña a praza para a proba Mundial (ao correr posto ao seguinte, clasifícase Dapena).
O podio completouno o suízo Sven Riederer, que cruzou a liña de meta a 01:47 de Dapena (03:50:57).
Os triatletas ocuparon as súas posicións na liña de saída ao redor das 8:00, cando amencía en Rapperswil-Jona un día asollado co ceo completamente despexado.
O galego saíu da auga (proba de natación realizada no Lago de Zúric) no segundo posto por detrás de Michael Raelert. Tras el, Nils Frommhold, Riederer, Martin Bader e Maurice Witt.
Durante o primeiro tramo do traxecto en bicicleta, Dapena mantívose no grupo na cabeza, aínda que perdendo algunha posición despois da transición. Tanto que tras os primeiros quilómetros, el e o suízo cederon 45 segundos, quedándose algo máis atrás.
Non sería ata a proba a pé que o pontevedrés conseguiría recortar distancias e colocarse a tan só 17'' do segundo posto. Despois do quilómetro 14, Dapena consegue reducir ao mínimo esa diferenza e ocupar o posto de subcampión, pero con Riederer pisándolle os talóns. Finalmente, sen dar tregua, logrou manter a praza e chegar á meta cun oco asegurado no Mundial.
Consulta os tempos de Pablo Dapena no Ironman 70.3 de Suiza.
Relacionadas:
-
Gómez Noya queda fóra do podio do Mundial 70.3 de Niza e Dapena remata décimo quinto
Por Redacción |
-
Ser top 10 no Ironman 70.3 de Niza, último gran reto da tempada para Pablo Dapena
Por Manu Otero |
-
Praga, novo capítulo no gafe de Pablo Dapena coas súas viaxes
Por Diego Espiño |
-
Pablo Dapena e Saleta Castro axudan a Galicia a subir ao podio do Nacional por Autonomías
Por Diego Espiño |
-
Pablo Dapena e Javi Gómez Noya apúntanse ao Europeo Ironman 70.3
Por Diego Espiño |
-
Pablo Dapena lánzase a pola clasificación para o Mundial Ironman 70.3
Por Diego Espiño |
-
Pablo Dapena segue abonado ao podio ao ser segundo no Challenge de Lisboa
Por Redacción |
-
Javi Gómez Noya: "Foi duro, pero competir na casa dá alas e puiden sufrir, loitar e dar o mellor de min mesmo"
Por Sofía Lorenzo & Xan Xiadas |
-
VÍDEO.- Pontevedra explota de xúbilo co ouro mundial de Gómez Noya e a prata de Pablo Dapena
Por Diego Espiño & Xan Xiadas |