Támara Echegoyen, obrigada a retirarse por lesión no Europeo 49er FX de vela
Por Redacción
O Campionato de Europa de Vela na clase 49er FX, que se disputa estes días en augas de Weymouth, Inglaterra, terminou para Támara Echegoyen e a súa compañeira Paula Barceló.
Unha lesión da pontevedresa obrigoulles a retirarse cando marchaban na sexta posición da xeral (cuartas europeas) despois das dúas primeiras xornadas de regatas, o que confirmaba unha esperanzadora progresión do equipo para o seu obxectivo de clasificarse para os Xogos Olímpicos de Tokyo.
Echegoyen e Barceló conseguiron dous terceiros postos nas primeiras mangas do martes, pero na terceira sufriron un contratempo que lles impediu terminar. Foi un golpe sufrido por Támara.
Aínda que a intención era poder continuar na batalla, o equipo médico da Real Federación Española de Vela desaconsellouno para evitar que se agravase a lesión, polo que xa non saíron a competir este mércores confirmado o seu abandono.
"Ser forte é aceptar cando debes parar e non seguir cara adiante. O Europeo finalizou para nós. É hora de pensar na recuperación", sinalou nas redes sociais a regatista pontevedresa, na conta oficial do equipo na que tamén quixo agradecer ao seu equipo por "lembrarnos onde se atopan os límites".
Ser FUERTE es aceptar cuándo debes parar y no seguir hacia delante.
— 23energy (@23energy_) 15 de mayo de 2019
Gracias a nuestro gran equipo por guiarnos y recordarnos donde se encuentran los límites.
El Europeo ha finalizado para nosotras. Es hora de pensar en la recuperación.
Gracias a tod@s por vuestro apoyo. pic.twitter.com/Bik6upk7Ic
Toca pois pensar na recuperación para regresar canto antes e con máis forza á auga en busca do ambiciosos reto olímpico.
Relacionadas:
-
Támara Echegoyen e Paula Barceló inician o Mundial con bo pé e anuncian batalla pola praza olímpica
Por Redacción |
-
Támara Echegoyen vence no Campionato de Oceanía e mira cara o Mundial
Por Redacción |
-
Támara Echegoyen e Paula Barceló abandonan no Mundial de vela de Nova Zelandia
Por Redacción |
-
Compás de espera para Támara Echegoyen no Mundial de Nova Zelandia
Por Redacción |
-
Támara Echegoyen encara o Mundial de Nova Zelandia, penúltima oportunidade para clasificarse para os Xogos
Por Redacción |
-
Os olímpicos galegos únense á loita contra a violencia de xénero
Por Redacción |
-
Támara Echegoyen e o Mapfre reciben o Premio Nacional de Vela
Por Redacción |