O filial do Arxil proclámase campión galego e gaña unha praza en Primeira Nacional
Por Redacción
A canteira do Club Baloncesto Arxil deu a pasada fin de semana unha gran alegría á entidade pontevedresa.
Concretamente fíxoo o seu equipo filial sénior, ao proclamarse campión da máxima categoría autonómica e gañar unha praza a próxima tempada na Primeira Nacional, se a economía permite afrontar o salto competitivo.
O Arxil fíxose co título a falta dunha xornada tras vencer na Coruña o Maristas (51-71), equipo da parte alta, nun encontro no que tivo que remontar tras un inicio con dúbidas.
As pontevedresas contaban con baixas importantes e comezaron a remolque no primeiro parcial (15-5). Con todo reaccionaron para chegar cun marcador máis igualado ao descanso (30-27) e culminar a remontada no terceiro e cuarto período sen dar opción ao seu rival.
Tras a celebración na pista coruñesa a festa do filial arxilista, que acumula un balance sobresaliente de 25 vitorias e só 2 derrotas, terá continuidade na última xornada, na que recibirá no Pavillón Universitario de Pontevedra o Calasancias (domingo, 12:00 horas).
Relacionadas:
-
O Arxil volve renunciar por motivos económicos ao ascenso do seu filial a Primeira Nacional
Por Redacción |
-
Arantxa Mallou pecha, de momento, a súa etapa no Arxil para centrarse en aprobar o MIR
Por Diego Espiño |
-
O Arxil comeza a súa reconstrución despedíndose de Gala Mestres
Por Redacción |
-
O Arxil despide a tempada co MVP de Gala Mestres na última xornada
Por Redacción |
-
O Arxil pon fin á tempada coa vitoria máis doce, na casa ante o Cerdanyola (64-56)
Por Sofía Lorenzo & Diego Torrado |