O sorteo do Mundial junior de balonmán, o 21 de maio na Deputación de Pontevedra
Por Alejandro Espiño
Pontevedra acollerá o próximo 21 de maio o sorteo da fase final do XXII Campionato do Mundo de España 2019, que se celebrará entre as cidades de Pontevedra e Vigo. O Pazo Provincial foi o escenario elixido para albergar este evento. Será ás 12.00 horas.
Un total de 24 equipos participan en total, a metade deles de Europa ao ser o organizador España. Así, a mecánica do sorteo estipula a existencia de seis bombos con catro equipos en cada un deles:
Bombo 1 | Eslovenia, Francia, Alemaña, Portugal
Bombo 2 | España, Exipto, Croacia, Islandia
Bombo 3 | Serbia, Noruega, Suecia, Hungría
Bombo 4 | Arxentina, Tunes, Nixeria, Brasil
Bombo 5 | Corea do Sur, Xapón, Bahréin, Dinamarca
Bombo 6 | Chile, Australia, Estados Unidos, Kósovo
España, ao ser o organizador do evento, dispón do dereito para elixir grupo e rivais, polo que se sortea do sexto bombo cara arriba, deixando o número dous para o final na quenda de extracción de equipos.
O sorteo ademais poderase seguir por streaming desde a páxina web do campionato: www.spainhandball19.com.
Relacionadas:
-
A inauguración e o debut de España no Mundial Júnior de balonmán serán en Pontevedra
Por Redacción |
-
España dá a coñecer a pre-lista de xogadores para o Mundial Júnior de balonmán de Pontevedra e Vigo
Por Redacción |
-
O Mundial Júnior de Balonmán de Vigo e Pontevedra desvela o seu cadro de competición
Por Diego Espiño & Mónica Patxot |
-
O Pavillón Municipal pasa a última inspección da IHF previa ao Mundial Júnior de balonmán
Por Diego Espiño |
-
O camiño cara ao Mundial Júnior de balonmán de Pontevedra comeza en Guadalaxara
Por Redacción |