O Froiz volve á carga en Padrón coa Clásica de Pascua
Por Redacción
Tras tomar un respiro competitivo durante a Semana Santa, o grupo Deportivo Supermercados Froiz retoma a actividade nunha das carreiras con máis historia do calendario autonómico, a Clásica de Pascua de Padrón.
A proba ciclista chegará este sábado 27 de abril á súa 57ª edición.
Farao cun percorrido de 125 quilómetros e ata cinco altos de montaña, o último a 15 quilómetros de meta. Ademais do perfil rompepernas, aos ciclistas espéralles un tramo final de 400 metros de lastra.
O Froiz acudirá a Padrón con todos os seus ciclistas galegos, como son Martín Lestido, Óscar Brea, Aarón Mariño, Aitor Bugarín, Abel Franco, José Carlos Amil, Guillermo García, Jorge Suárez, Roi Domínguez, Diego González e Adrián Barros, completando o equipo Jesús Arozamena e Jake Wright.
A Clásica de Pascua será o punto de partida para unha intensa semana para a escuadra alimenticia, na que afrontará as dúas citas finais da Copa de España Elite e Sub-23 coa Clásica Santikutz-GP Bertán, en Legazpi (1 de maio), e o Gran Premio Macario en Alacá de Henares, Madrid (5 de maio).
Relacionadas:
-
O Froiz arranca en Irún a tempada das voltas ciclistas por etapas
Por Redacción |
-
Bo sabor de boca no Froiz tras medirse con profesionais nas Árdenas
Por Redacción |
-
O Froiz, convidado a participar no Tour das Árdenas xunto ao pelotón profesional
Por Redacción |
-
Diego Noriega roza o triunfo para o Froiz no prestixioso Memorial Valenciaga
Por Redacción |