O ABP Sport ultima a súa posta a punto para o Campionato de España de kick boxing
Por Redacción
Achégase o gran obxectivo do ano para o ABP Sport pontevedrés, co Campionato de España de Kick Boxing, e os seus deportistas afinan estes días a súa posta a punto para a cita.
Así o demostraron no Trofeo Ribeira Sacra, disputado na localidade ourensá de Luíntra para as modalidades de pointfight e light.
O ABP conseguiu neste trofeo nada menos que 19 medallas de ouro, 9 de prata e 6 de bronce.
Na cita tomaron parte deportistas desde os 8 anos de idade e ata a categoría de veteranos, sendo puntuable para a liga galega de tatami sport.
Tras a proba o ABP céntrase agora no Campionato de España que terá lugar do 9 ao 12 de maio en Salamanca, onde acudirá con 12 deportistas.