A 'Marea Granate' organízase para subir en Coruxo
Por Redacción
Tres triunfos consecutivos na liga meteron de cheo ao Pontevedra na pelexa por entrar no play-off de ascenso, sexto a un só punto do cuarto clasificado, e esa boa marcha nótase en todo o que rodea ao club granate.
As bancadas de Pasarón, a pesar da intensa choiva, presentaron unha boa entrada ante o San Sebastián de los Reyes, con ao redor de 4.000 espectadores, e 7 días antes o desprazamento de afeccionados pontevedreses a Abegondo, para presenciar o duelo ante o Fabril, foi tamén notable.
Esta situación todo apunta terá continuidade na próxima 'final' do equipo equipo adestrado por Luismi, a que lle enfrontará o domingo 14 de abril (18:00 horas) a domicilio ao Coruxo.
A 'Marea Granate' prepárase para reaparecer no estadio vigués do Vao e axudar a sumar tres importantes puntos ante o actual noveno clasificado, xa sexa a través de coches particulares ou no desprazamento organizado polo club.
Neste sentido a viaxe en autocar anunciado polo Pontevedra para os seus afeccionados terá un custo de 15 euros (entrada incluída) para o público adulto e de 5 euros para os menores de 13 anos, con saída ás 16:30 horas do domingo desde o Pavillón Municipal dos Deportes.
Os interesados poderán anotarse nas oficinas do club en horario de 9:00 a 14:00 e de 16:00 a 19:00 horas.
Relacionadas:
-
Suma e segue dun Pontevedra que gaña en Coruxo (0-1) e alcanza postos de play-off
Por Diego Espiño & Diego Torrado |
-
A cuarta vitoria consecutiva do Pontevedra pasa por Coruxo
Por Diego Espiño |
-
A xornada entre Pontevedra e Rápido de Bouzas, en Xoves Santo
Por Diego Espiño |
-
Churre, convencido de poder xogar o play-off: "Depende de nosotros"
Por Diego Espiño |
-
Tres puntos para soñar dun enorme Pontevedra ante o Sanse (3-1)
Por Ramiro Espiño & Diego Torrado |
-
Pasarón recibe os afeccionados do Pontevedra no pincho previo partido ante o Sanse
Por Redacción & Diego Torrado |