Dous goles de Sylla na Lomba dan a vitoria ao Arosa ante o Barco (2-1)
Por Redacción
O Arosa, tras a derrota da pasada semana ante o Porriño Industrial, logrou, este sábado, facerse con tres importantes puntos, que lle permiten situarse un paso máis preto dos postos máis altos da clasificación. O Barco, pola súa banda, continúan, a pesar do resultado negativo, ás portas dos mesmos. O choque estivo enormemente condicionado pola cantidade de auga que caeu sobre o campo da Lomba durante o mesmo.
Comezou dominando o encontro o cadro visitante, que, aos 14 minutos do inicio xa se poñía por diante cun gol de Juanito Bazo, aproveitando un erro de Manu Táboas ao non ser quen de atrapar o balón por mor dun charco. A partir dese momento, o equipo anfitrión pelexou en busca do empate. Creou diversas ocasións de perigo que, con todo, non chegaron a materializarse, polo menos na primeira metade. Co 0-1 marcharían ao descanso.
Tras a continuación o encontro caracterizouse pola mellora das condicións meteorolóxicas e a superioridade local. Nas súas mans tivo Sylla as táboas en varias ocasións, pero non sería ata o 75' que lograría o 1-1, cabeceando un tiro de Manu Rodríguez. Menos de dez minutos despois, o capitán dos arousáns volvería acertar ante a portería de Kiko, de novo de cabeza, dando, así, a volta ao marcador. Ante a incapacidade ourensá de volver igualar o choque, os de Rafa Sáez celebraron que os tres puntos quedaron o Vilagarcía.
Consulta a acta do Arosa-Barco.
O dominio do Racing Club Villalbés no Salvador Otero proporciónalle a vitoria ante o Céltiga, que, pola súa banda, suma catro xornadas sen coñecer a vitoria. Ademais, estes últimos continúan moi preto dos postos de descenso a falta de seis xornadas para o final da tempada.
Despois dunha primeira parte algo máis igualada e que terminou sen goles, un gol de Diego Muiña no 56' estrea o marcador visitante. Ante a vantaxe dos do Villalbés, os locais non puideron facer nada. E tanto foi así que, no último minuto do partido, Santi Taboada anotou o definitivo 0-2.
Consulta a acta do Céltiga-Villalbés.
O Ribadumia sumou, este domingo, unha nova derrota, nesta ocasión, ante a Polvorín, que leva sendo vencedor tres xornadas consecutivas. Co novo resultado negativo dos do Salnés, estes continúan ancorados á parte baixa da táboa, a tan só tres puntos dos postos de descenso.
A pesar da vitoria local, o encontro estivo moi igualado desde o comezo. Tanto foi así, que se foron ao descanso co 0-0 no marcador. Non sería ata a continuación que se viviría un choque moito máis intenso na Cheda. A inauguración do electrónico realizouna Tomás Abelleira no 50', poñendo aos do Ribadumia por diante. Os anfitrións tardarían preto de media hora en atopar o empate por medio de Fernando Cuadrado.
Pero non lles duraría moito, xa que tres minutos máis tarde, os visitantes volverían gañar vantaxe grazas a David Gómez (1-2). Cando parecía que ese sería o resultado definitivo, os lucenses conseguiron, non só volver empatar a falta de tres minutos para o final, senón tamén quedar cos tres puntos grazas a Fernando Cuadrado xusto antes de terminar.
Relacionadas:
-
O Arosa cae en Lugo ante o Villalbés no tempo de desconto (1-0)
Por Redacción |
-
O Arosa di adeus casi a toda posibilidade de entrar na fase de ascenso ao caer ante o Arenteiro (2-1)
Por Redacción |
-
Xornada redonda para un Céltiga que casi abandona a zona de perigo gañando ao Somozas (2-0)
Por Redacción |
-
O Arosa non aproveita a superioridade numérica e cae ante o Choco na casa (0-1)
Por Redacción |
-
O Ribadumia sigue en perigo a falta de cinco partidos tras perder ante o Alondras (1-0)
Por Redacción |
-
Partido de necesidade que remata con final feliz para o Ribadumia a costa do Céltiga (3-2)
Por Redacción |
-
O Ribadumia continúa ancorado á zona de perigo tras a derrota ante o Ourense CF (0-1)
Por Redacción |
-
Un gol de Luís García dálle ao Arosa unha importante vitoria ante o UD Ourense (1-0)
Por Redacción |
-
Derrota do Marcón ante o líder, o Pontellas, por un gol en propia de Antonio Suárez (1-0)
Por Redacción |