O Cisne refórzase co porteiro Jorge Villamarín ata final de tempada
Por Redacción
A División de Honra Prata está que arde na pelexa por salvar a categoría, e o Club Cisne Balonmán tras tres derrotas consecutivas viuse metido na pomada a pesar de ser sétimo na táboa e estar a só 3 puntos do play-off.
Ante esta situación, a entidade moveu ficha para reforzar unha posición clave para o tramo final de liga, a de porteiro.
O Cisne anunciou este venres a fichaxe do gardameta Jorge Villamarín, procedente do Sinfín cántabro que milita na Liga Asobal.
Villamarín incorpórase en principio ata final de curso.
O reforzo confírmase un día antes de que os de Jabato visiten o BM Santoña (sábado, 18:30 horas), equipo que ocupa a penúltima posición.