Pablo García e Lydia Pérez preparan o Europeo Absoluto de loitas olímpicas
Por Redacción
Dous deportistas do Club de Loita Pontevedra foron chamados a participar nunha concentración do equipo nacional de loitas olímpicas para preparar o Campionato de Europa Absoluto que se celebrará a principios de abril en Bucarest, Romanía.
Trátase de Pablo García (-74 quilos) e de Lydia Pérez (-62 quilos), esta tras participar recentemente no Europeo de categoría Sub-23, no que non puido alcanzar as roldas finais finalizando na quinta posición do seu peso.
Ambos os dous tomarán parte nas xornadas de adestramento previstas polos técnicos nacionais entre o 18 e o 22 de marzo no Centro de Alto Rendemento de Madrid.
Tamén estarán presentes outros dous loitadores galegos, como son Nerea Pampín (-65 quilos) do Club Keltoi de Vila de Cruces e Carlos Yobani (-65 quilos) do Club de Loitas Olímpicas de Vilalba.
O Campionato de Europa Absoluto é unha competición marcada en vermello no calendario da tempada, xa que un bo papel en Romanía pode supoñer a clasificación para o Mundial que se celebrará en setembro en Kazajistán, torneo que será o primeiro de carácter clasificatorio para os Xogos Olímpicos de Tokyo 2020.
Relacionadas:
-
Lydia Pérez cae nos cuartos de final do Mundial Sub-23 de loita
Por Redacción |
-
A moldava Mariana Cherdivara elimina a Lydia Pérez no Europeo de Loita
Por Redacción |
-
Lydia Pérez, fóra das roldas finais do Europeo Sub-23 de loita
Por Diego Espiño |
-
Lydia Pérez, ouro nacional e rumbo ao Europeo Sub-23
Por Diego Espiño |
-
RADIO.- A playlist de... Lydia Pérez, unha deportista rápida, intelixente e resistente
Por Marisa Ciordia |