Pontevedra agarda unha 'invasión' británica durante o ITU Multisport Festival
Por Redacción
O ITU Multisport Festival de Tríatlon que se celebrará en Pontevedra entre o 27 de abril e o 4 de maio apunta a un éxito histórico de participación.
A organización apuntou no seu momento a estimación de deportistas participantes nos diferentes campionatos en preto de 4.000, unha cifra ao alcance a teor das dúas delegacións que serán das máis numerosas e que xa confirmaron cifras espectaculares.
De feito nin sequera o de España é o equipo máis numeroso ata a data, a pesar de confirmar xa preto de 800 participantes, porque Pontevedra prepárase para vivir unha auténtica 'invasión' británica, país que afai mover a unha gran cantidade de deportistas.
Segundo os responsables do Festival Multideporte son 900 os triatletas, duatletas e acuatletas que se desprazarán desde o Reino Unido ata Pontevedra para participar nos diferentes mundiais previstos, especialmente nas categorías de grupos de idade.
Pontevedra Triathlon y... Gran Bretaña Triathlon ¡también! triatletas, duatletas o acuatletas británicos se han inscrito ya al #ITUpontevedra19 Va a ser un Mundial Multisport multitudinario con más de españoles ya confirmados! pic.twitter.com/rKf45Hz1uf
— ITUpontevedra19 (@ITUpontevedra19) 9 de marzo de 2019
A estes números haberá que sumar a participación confirmada de deportistas de países dos cinco continentes, o que converterá Pontevedra en toda unha celebración entre diferentes nacionalidades. Cifras que poden seguir crecendo ata final de mes, cando se de por pechado o período de inscrición.
Relacionadas:
-
Do you speak english? A hostalería pontevedresa prepárase para os Mundiais de tríatlon
Por Redacción |
-
A Policía Local resolverá dúbidas veciñais sobre cortes de tráfico durante os mundiais de tríatlon
Por Diego Espiño |
-
Confirmados os horarios definitivos do ITU Multisport Festival de Pontevedra
Por Redacción |
-
Os mundiais de tríatlon non cortarán a rúa Xosé Malvar nin o domingo electoral nin días de semana
Por Diego Espiño |
-
Máis de 600 triatletas nacionais inscribíronse xa para o ITU Multisport Festival de Pontevedra
Por Diego Espiño |