Fin á aventura de Quique Domínguez en Arabia Saudita
Por Redacción
Creada e actualizada
Creada e actualizada
A aventura do pontevedrés Quique Domínguez en Arabia Saudita chegou ao seu final de maneira prematura.
O Mudhar Handball Club, do que era máximo responsable deportivo desde o verán, anunciou o pasado sábado 23 de febreiro a súa substitución no cargo cun breve comunicado na súa páxina web e redes sociais.
A decisión tomouse, segundo informou o xornalista Xurxo G.G. en Diario de Pontevedra, tras a derrota sufrida o venres por 23-25 ante o Al-Khaleej.
"O Consello de administración celebrou unha reunión urxente o sábado pola tarde en presenza do Vicepresidente Dr. Saeed Al Jaroudi e tomou a decisión de terminar o contrato do adestrador español e encomendar a tarefa ao adestrador nacional Sr. Hasan Abu Al-Millat", sinala o comunicado oficial do Mudhar.
Quique Domínguez, que puxera fin á súa etapa no Teucro ao final da pasada campaña, tiña contrato en vigor coa entidade saudita ata final de tempada.
Durante o seu periplo no país árabe, o Mudhar logrou acabar como líder do seu grupo a primeira fase da súa liga nacional.
Relacionadas:
-
Anaitasuna fai oficial a fichaxe de Quique Domínguez como adestrador
Por Redacción |
-
Quique Domínguez volve aos bancos no Atlético Novás da División de Honra Prata
Por Redacción |
-
Quique Domínguez ficha polo Mudhar Handball Club de Arabia Saudita
Por Diego Espiño |
-
VÍDEO.- Quique Domínguez anuncia entre bágoas a súa saída do Teucro
Por Diego Espiño & Miguel Álvarez Fandiño |