O Teucro salva 'in extremis' unha sanción por falta de pagamento de arbitraxes
Por Diego Espiño
Sobre a bucina. A Sociedad Deportiva Teucro apurou ao límite o prazo dado polo Comité de Competición para saldar a débeda que a entidade arrastraba en relación ao fondo arbitral e evitar así unha sanción deportiva.
O organismo reitor da Real Federación Española de Balonmán fallou na súa reunión do 13 de febreiro que se o club pontevedrés non pagaba as arbitraxes que adebedaba o partido da Liga Asobal do sábado 23 de marzo ante Anaitasuna sería suspendido e o seu resultado sería de derrota por 0-10.
O tempo para pagar vencía este martes, catro días antes do choque, e ao longo da mañá o Teucro puido reunir o diñeiro e enviar as certificacións correspondentes.
"Estamos más tranquilos", recoñeceu a PontevedraViva o presidente da entidade, Carlos García-Alén, salvada a situación sobre unha débeda que ascendía a 7.150 euros e correspondíase concretamente a catro arbitraxes.
Carlos García-Alén: "Esta vez nos ha pasado a notros pero le podía haber pasado a cualquier club de la ciudad"
"Desde principios de diciembre nos hemos quedado un poco cortos de liquidez", sinala o dirixente tras conseguir cobrar unha partida dun patrocinador e cubrir xunto á súa directiva o resto do adebedado.
A esta situación chegouse, entre outras causas, polo atraso no cobro de axudas, xa que "entre octubre y noviembre teníamos el compromiso del Concello que nos ingresaban la subvención de 2017", explica García-Alén, pero esa circunstancia non se produciu aínda.
Entre esa axuda municipal e a correspondente a 2018 suman preto de 60.000 euros cos que "estaríamos equilibrados para llegar a final de temporada sin sobresaltos", asegura o presidente teucrista. De todos os xeitos esperan poder dispoñer da primeira desas axudas en abril xunto a outra da Deputación que acabarían cos problemas de liquidez actuais.
Aínda que o dirixente é consciente que "eso no quita que desde los clubes tengamos que movernos para ingresar dinero de patrocinadores privados", cre que se trata dunha situación que "esta vez nos ha pasado a notros pero le podía haber pasado a cualquier club de la ciudad".
Relacionadas:
-
Competición ameaza o Teucro coa prohibición de inscribir ao equipo por unha débeda de 11.528 euros
Por Diego Espiño |
-
O PP acusa ao Concello de "asfixiar" o deporte pontevedrés
Por Redacción |
-
Luis Montes pide apoio ante un duelo "clave" porque "cuando el Municipal aprieta los jugadores lo notan"
Por Diego Espiño |
-
Juan Quintas, operado con éxito da súa lesión no ombreiro
Por Diego Espiño |
-
"Tres non son multitude" para o Teucro
Por Redacción |
-
O extremo arxentino do Teucro 'Fafa' Cangiani perderase o que resta de tempada
Por Oskar Viéitez |
-
Continuidade para o terceiro proxecto de Carlos García-Alén na presidencia do Teucro
Por Diego Espiño |