O Club Deportivo Rápidos de Xeve presenta o seu novo equipo ciclista
Por Redacción
Ata agora eran un equipo de fútbol veterano, pero o Club Deportivo Rápidos de Xeve decidiu ampliar a súa familia cunha nova actividade, o ciclismo.
A entidade presidida por Manuel Cerdeiras presentou á súa formación ciclista, coa que estarán presentes en diferentes carreiras ao longo de todo o ano.
Os obxectivos para a súa primeira tempada son ambiciosos, centrados na especialidade de BTT Maratón, e é que confirmaron a súa presenza en carreiras tan esixentes como a Epic Race Pontevedra, a Costa Atlántica MTB Tour e a Montain Quest en Portugal.
Para esta aventura o Rápidos de Xeve Club Ciclista conta cun plantel composto por: Claudio Cisnero, Diego Boga, Aurelio e José Antonio Maquieira, Agustín Pichel, Sergio Otero, Benito Rivas e Benito Sanmartín.