A Gimnástica vence na Copa Galicia de clubs en pista cuberta
Por Redacción
Non empezou mal o ano para a Sociedad Gimnástica de Pontevedra, que un ano máis reinou na pista cuberta a nivel autonómico.
O conxunto pontevedrés foi o mellor na clasificación de clubs da XV Copa Galicia celebrada no recinto de Expo Ourense.
Cumprindo cos prognósticos, na categoría masculina a Gimnástica fíxose coa medalla de ouro superando a Atletismo Narón e CA Santiago, mentres que na feminina concluíu no segundo lugar tras o Celta, a moi pouca distancia, o que lle deu o triunfo absoluto.
A nivel individual conseguiron o primeiro posto nas súas probas Carlos Porto (1.500), Joao Alexandre Ribeiro (60 valos), David Ferrer (lonxitude), Santi Ferrer (salto con pértega), Víctor Gallego (lanzamento de peso), Xiana González (200 metros lisos) e Iria Rodríguez (3.000).
Trátase do sétimo ano consecutivo que, na competición masculina, a Gimnástica consegue vencer na Copa Galicia de Pista Cuberta.
Relacionadas:
-
A Gimnástica, campión de Galicia de clubs en categoría masculina
Por Redacción |
-
A Gimnástica organizará por segundo ano consecutivo un encontro da Primeira División Feminina de atletismo
Por Diego Espiño |
-
Fin de semana de medallas para a Sociedad Gimnástica
Por Redacción |
-
A Gimnástica pecha acordos de filialidade con catro clubs galegos
Por Redacción |