As obras para colocar céspede artificial no campo da Seca, a partir do 15 de xaneiro
Por Redacción
A partir do próximo 15 de xaneiro comezarán as obras para converter o campo de fútbol municipal da Seca nunhas instalacións deportivas con herba sintética.
Os traballos, adxudicados á empresa Obras y Pavimentos Especiales, S.A., son financiados a través do Plan Concellos da Deputación e teñen un investimento de 479.250,41 euros.
A intención é rehabilitar todo o campo de fútbol, dotándoo dun céspede de última xeración e mellorando os servizos do estadio e o seu mobiliario.
Este obra, que se acordou no Consello Municipal de Deportes do ano 2013 onde se requiría á Deputación o cambio de pavimento a herba artificial, permitirá que os clubs do municipio poidan ter unhas instalacións modernas que responda á demanda dos usuarios.
O cambio está previsto e coordinado cos equipos que usan o campo, para que as obras non dificulten a practica diaria de adestramentos e partidos.
Os equipos que usaban o campo de herba natural vanse trasladar o campo da Reiboa sen que iso supoña ningún prexuízo para a súa actividade deportiva.
A forte demanda deportiva precisa, segundo o Concello de Poio, de instalacións que permitan coordinar adestramentos da base así como partidos federados ou de fútbol afeccionado, o que implicaba a necesidade de Poio tivera dous campos.
Actualmente máis de 200 nenos de base e diferentes equipos de fútbol federado e afeccionado usan as instalacións. Unha vez rematadas as obras do campo da Seca poderán usarse de xeito simultáneo ambos equipamentos deportivos.
Relacionadas:
-
Aparece unha zona calcinada no campo de herba sintética da Reiboa
Por Redacción |
-
Poio presume dun renovado campo de fútbol da Seca
Por Redacción |
-
Os populares denuncian a falta de planificacion deportiva do Concello de Poio
Por Oskar Viéitez |
-
A Deputación achega 650.000 euros para obras no camiño do Loureiro e no campo de fútbol da Seca
Por Oskar Viéitez |
-
Poio executará este ano a reforma do campo de fútbol da Seca
Por Redacción |