O fútbol en horario matinal volve a Pasarón
Por Redacción
O asalto do Pontevedra ao cuarto posto, co que se atopa empatado a puntos tras a súa vitoria ante o Unión Adarve, supoñerá ademais a volta do fútbol matinal ao Estadio Municipal de Pasarón.
Despois de anos nos que era habitual ver fútbol o domingo pola mañá no coliseo pontevedrés, debido á cantidade de equipos canarios cos que compartía grupo o conxunto granate, a situación volverá repetirse o próximo 16 de decembro no segundo encontro consecutivo na casa para os de Luismi e o último do ano ante a súa afección, xa que pecharán 2018 a domicilio ante o Atlético de Madrid.
Así o obriga a normativa da Real Federación Española de Fútbol para abaratar os desprazamentos dos equipos insulares e que poidan regresar a casa o mesmo día do partido.
Por todo iso o choque do domingo 16 entre Pontevedra e Las Palmas Atletico fixouse para as 12:00 horas en Pasarón.
ÉXITO DA RECOLLIDA SOLIDARIA DE ALIMENTOS
O club granate, aproveitando o duelo de liga contra o Unión Adarve, unha recollida solidaria de alimentos na que participaron un bo número de afeccionados.
Segundo sinalou o Pontevedra, durante a xornada chegáronse a recoller máis de 500 quilos de alimentos que serán entregados agora ao Banco de Alimentos.
Relacionadas:
-
O Pontevedra supera a Las Palmas Atlético guiado por un inmenso Kevin Presa (1-0)
Por Ramiro Espiño & Diego Torrado |
-
Asalto do Pontevedra aos postos de play-off
Por Diego Espiño |
-
Javi López lesiónase e fai saltar as alarmas
Por Diego Espiño |
-
Pibe pecha cunha obra de arte a goleada do Pontevedra ao Unión Adarve (3-1)
Por Ramiro Espiño & Diego Torrado |
-
Rivera e Pibe meten o Pontevedra nos oitavos de final da Copa RFEF
Por Redacción |
-
Alerta amarela no Pontevedra, con ata catro xogadores apercibidos de sanción
Por Diego Espiño |