Lydia Pérez, seleccionada para participar en Rusia nun 'Training Camp' internacional
Por Redacción
Ata Rusia desprazarase nos próximos días a pontevedresa Lydia Pérez para seguir preparando os seus grandes obxectivos da tempada e tentar sumar experiencia internacional.
A deportista do Club de Loita Pontevedra viaxará co equipo nacional de loitas olímpicas ata a localidade de Kurgoe Ozero (Lago Redondo), ao norte de Moscova, para tomar parte nun 'Training Camp' internacional.
Lydia exercitarase durante 12 días en Rusia, do 9 ao 21 de decembro.
Xunto a ela estarán outras dúas deportistas bolseiras polo Centro Galego de Tecnificación Deportiva, Nerea Pampín e Noelia Lalín (ambas as do Club Keltoi de Vila de Cruces).
Ademais integran a selección española feminina Marina Rueda (AND), Graciela Sánchez (BAL), Estefanía Ramírez (CAN) e a adestradora nacional Fajardo (MAD). Tamén viaxará coa expedición o técnico do equipo galego e de orixe rusa, Alexandre Kachelaev.
Relacionadas:
-
Lydia Pérez, ouro nacional e rumbo ao Europeo Sub-23
Por Diego Espiño |
-
O Club de Loita Pontevedra pon as súas miras no Nacional Absoluto
Por Redacción |
-
RADIO.- A playlist de... Lydia Pérez, unha deportista rápida, intelixente e resistente
Por Marisa Ciordia |
-
Lydia Pérez despídese do Mundial Sub-23 de loita na fase de clasificación
Por Redacción |
-
Lydia Pérez, bo resultado en Francia e concentración co equipo nacional en Hungría
Por Redacción |
-
Lydia Pérez perde o combate polo bronce nos Xogos Mediterráneos
Por Alejandro Espiño |