A Copa Federación entra en escena para o Pontevedra
Por Redacción
A defensa do título de campión da Copa Federación comeza para o Pontevedra co encontro de ida dos dezaseisavos de final da competición.
A Unión Popular de Langreo, actual décimo clasificado do Grupo II da Segunda División B, visita este mércores (20:00 horas) o Estadio Municipal de Pasarón.
Será a ocasión de ver en acción aos futbolistas que menos minutos acumularon ata a data en liga e tamén a xogadores da canteira que completarán a convocatoria.
Esa é polo menos a intención manifestada por Luismi, que mantivo sen cambios o plan semanal de traballo con xornada de descanso o martes e adestramento o mesmo mércores para avanzar na preparación do choque do próximo domingo en liga ante o Coruxo.
A directiva do Pontevedra fixou as entradas para presenciar o choque ante o Langreo en 5 euros para os abonados e 10 euros para os non abonados. Non pagarán os socios 'plus' e tampouco os seguidores menores de 16 anos.
A volta da eliminatoria ante o cadro asturiano fixouse para o mércores día 5 de decembro.
Relacionadas:
-
Empate 'in extremis' do Pontevedra ante o Langreo nunha fría estrea en Copa RFEF (1-1)
Por Diego Espiño & Mónica Patxot |
-
A choiva e a carga de partidos elevan a preocupación polo céspede de Pasarón
Por Diego Espiño |
-
Dous descoidos defensivos custan a derrota a un gran Pontevedra ante o Sanse (2-1)
Por Redacción |
-
O Langreo será o primeiro rival do Pontevedra na súa defensa da Copa Federación
Por Redacción |