A Federación Española dá o visto e prace ao circuíto da Xunqueira para o Nacional de Ciclocrós
Por Diego Espiño
O presidente da Real Federación Española de Ciclismo, (RFEC) José Luis López Cerrón, deu a súa bendición ao circuíto que se habilitará na zona da Xunqueira, entre o Campus e a Illa das Esculturas, no que se celebrará a próxima edición do Campionato de España de Ciclocrós.
"Creo que el sitio es magnífico", sinalou López Cerrón xunto ao presidente da Federación Galega, Juan Carlos Muñiz, o acalde de Pontevedra, Miguel Anxo Fernández Lores, e a concelleira de Deportes, Anxos Riveiro, tras visitar a zona acompañado de técnicos municipais e das federacións.
"Quizás va a ser menos duro de lo que a algunos ciclistas les gustaría", recoñeceu, aínda que augura "un gran espectáculo" especialmente se fai aparición a choiva.
O circuíto do Campionato roldará os 3,5 quilómetros de lonxitude, cun único tramo de 150 metros de asfalto no Campus para despois internarse na zona de camiños e terra da Xunqueira, onde se instalarán diversos obstáculos. Todo nun lugar que permitirá unha ampla visión aos espectadores e tamén para o seguimento da televisión, que o retransmitirá en directo.
No Campionato de España de Ciclocrós, que se celebrará entre o 11 e o 13 de xaneiro, está prevista a participación de preto de 800 deportistas entre as categorías elite, sub-23, xuvenil, cadete e máster, o que demostra a boa saúde dunha modalidade deportiva que "en los últimos 4 o 5 años está viviendo un auge espectacular", defendeu o presidente da RFEC.
Ademais Pontevedra será tamén escenario este ano do Campionato Galego da especialidade, que organizará en Campañó o CD Pinarium o domingo 30 de decembro como previa ao Nacional.
Relacionadas:
-
Pontevedra vai pola Copa do Mundo de ciclocrós
Por Manu Otero |
-
Pontevedra respira ciclocrós co desembarco do Campionato de España
Por Diego Espiño |
-
A elite nacional do ciclocrós, rumbo a Pontevedra para o Campionato de España
Por Alejandro Espiño |
-
A Copa Galicia de ciclocrós chega ao seu final con vitoria da marinense Laura Capa en cadetes
Por Redacción |
-
Lucía Vázquez e Iván Feijóo impóñense sobre o barro de Campañó
Por Redacción & Diego Torrado |
-
Campañó abre un mes de puro ciclocrós en Pontevedra
Por Diego Espiño |
-
A Illa das Esculturas acollerá en 2019 o Campionato de España de Ciclocrós
Por Diego Espiño |