O Arxil non logra saír do pozo sumando outra derrota ante o Lima-Horta Barcelona (80-56)
Por Sofía Lorenzo
O Arxil chegou á sétima xornada de Liga Feminina 2 na peor situación dos últimos anos, xa que aínda non foi capaz de conseguir ningún resultado en positivo no que vai de tempada, o que relega ao equipo á última posición. Esta fin de semana, o Lima-Horta Barcelona recibiu ás de Mayte Méndez no pavillón Virolai, onde foron notablemente superiores de inicio a fin.
Pola súa banda, as pontevedresas continúan cometendo erros na pista que as condenan á inefectividade, tanto no xogo defensivo como na procura do aro.
Xa no primeiro cuarto as locais deron mostra da súa autoridade no terreo de xogo, sentenciando ás arxilistas a un sorprendente 29-13. Os seguintes 10 minutos non foron moi distintos, aínda que as pontevedresas lograron reducir un pouco a distancia (21-15 no parcial). Así, as barcelonesas fóronse ao descanso cunha cómoda vantaxe de 22 puntos (50-28).
A tónca do partido foi a mesma durante a segunda metade. A pesar de que as locais baixaron algo a intensidade do xogo, conseguindo menos puntos, as de Méndez continuaron en evidente inferioridade. Tan só no último parcial as do Arxil estiveron por encima no marcador, quizá como resultado do cansazo da plantilla catalá.
Desta forma, as pontevedresas regresaron a casa cun sabor amargo na boca e un resultado máis en negativo: 80-56.
Relacionadas:
-
O Arxil volve á realidade e perde ante o Maristas Coruña (79-60)
Por Redacción |
-
Contratempo para o Arxil pola lesión de Cristina Díaz-Pache
Por Redacción |
-
O Arxil esperta e suma, por fin, a súa primeira vitoria ante o ABDA avilés (82-56)
Por Sofía Lorenzo & Diego Torrado |
-
O Arxil, ante a necesidade de empezar a sumar
Por Redacción |
-
O Arxil queda a un paso da vitoria ante o Barça CBS (69-79)
Por Sofía Lorenzo |
-
O Arxil dorme tras o descanso e cae ante o Aros de León (76-50)
Por Sofía Lorenzo |
-
Aínda tentándoo, o Arxil non logra impoñerse ante o Ibaizábal (54-72)
Por Redacción |