O Teucro outorga categoría de 'final' ao duelo ante o Alcobendas e lanza unha promoción para os seus socios
Por Redacción
Queda aínda máis de media tempada por diante, pero a situación do Teucro, último clasificado da Liga Asobal con 3 puntos, fai que se vexa o próximo encontro na casa como a primeira 'final' do curso.
Isto é así porque visita o Municipal (sábado, 20:30 horas) un rival directo pola permanencia na máxima categoría como é o Balonmano Alcobendas, décimo terceiro con 6 puntos, e a ocasión vese desde o club azul como unha oportunidade para cambiar a súa dinámica.
Por ese motivo o Teucro trasladou un chamamento de apoio á súa afección tentando que as bancadas presenten un ambiente "de gala", sinalan desde o Teucro. Esta petición apóiase nunha oferta para os socios da entidade, que poderán retirar entradas rebaixadas (5 euros) para os seus acompañantes.
Ademais este xoves membros do primeiro plantel teucrista visitarán os colexios de Barcelos e Campolongo para promocionar o encontro e repartir entradas entre os pequenos.
"Para conseguir o noso obxectivo temos que facernos fortes na casa e gañar partidos como o do sábados é practicamente unha obrigación", sinalou sobre a campaña o máximo goleador do equipo, o serbio Davor Cutura.
Relacionadas:
-
Triunfo xusto ante o Alcobendas dun Teucro que se reengancha á pelexa (38-29)
Por Diego Espiño & Diego Torrado |
-
Partido "especialmente importante" para o Teucro, ao que só lle vale gañar ante o Alcobendas
Por Diego Espiño |
-
Durísimo correctivo do Huesca a un Teucro sen argumentos (37-22)
Por Redacción |