Irene Trabazo reforza en Ferrolterra o seu liderado na Copa Galicia de ciclocrós
Por Redacción
Irene Trabazo destácase á fronte da clasificación xeral da Copa Galicia de Ciclocrós cando non se chegou ao ecuador da competición.
A corredora do Club Ciclista Marín consolidou o seu liderado no tríptico de probas celebradas durante a ponte festiva na comarca de Ferrolterra.
Trabazo impúxose o xoves no II Trofeo de Ciclocrós A Laboral en Culleredo, superando a Carla Fernández, e fixo o propio a fin de semana en Val de Esmelle gañando María José Gómez e en Ferrol, onde se impuxo a Lucía Vázquez.
É a quinta vitoria da marinense en sete probas (nunha non participou), o que a coloca con 820 puntos e unha ampla marxe sobre as súas inmediatas perseguidoras na clasificación da categoría elite e sub-23.
Tamén a súa compañeira de club Laura Capa, no seu caso en idade cadete, domina con autoridade a Copa Galicia na súa categoría, ao contar por vitorias todas as súas participacións, seis ata a data incluíndo a tripla cita na comarca de Ferrolterra.
Por diante restan aínda 11 probas por celebrarse antes do Campionato de Galicia, sendo a próxima a do domingo 11 de novembro en Dumbría.
Relacionadas:
-
A Copa Galicia de ciclocrós chega ao seu final con vitoria da marinense Laura Capa en cadetes
Por Redacción |
-
Lucía Vázquez e Iván Feijóo impóñense sobre o barro de Campañó
Por Redacción & Diego Torrado |
-
Positivo inicio do Club Ciclista Marín na Copa de España de Ciclocrós
Por Redacción |
-
Lucía González e Felipe Orts vencen no Ciclocross Internacional de Xaxán
Por Redacción |
-
Irene Trabazo e Iván Feijóo estrean a tempada galega de ciclocrós vencendo en Poio
Por Redacción & Diego Torrado |