O Poio Pescamar mira ao mercado brasileiro para cubrir a baixa de Antía
Por Diego Espiño
A directiva do Poio Pescamar decidiu acudir ao mercado de fichaxes para reforzar un plantel que quedou tocado e curto de efectivos tras a grave lesión sufrida por Antía Pérez nos Xogos Olímpicos da Mocidade e os problemas físicos que atravesa Iria Saeta.
O caso de Antía, cunha rotura do ligamento cruzado do seu xeonllo que lle manterá afastada das canchas de xogo preto de 7 meses, propicia que o club vermello poida incorporar unha xogadora para o seu posto, e para iso fixou as súas miras no mercado brasileiro, tendo en conta que as opcións nacionais son limitadas a estas alturas da tempada.
Desta forma desde o Poio afírmase que desde a directiva e o corpo técnico avanzaron nas negociacións cunha futbolista carioca, á espera de poder obter a documentación necesaria para facer oficial a súa fichaxe.
Antía Perez pola súa banda pasou consulta co Dr. Cota, médico da Real Federación Española de Fútbol, no Hospital QuirónSalud Miguel Domínguez para estudar cando será posible operala e os pasos para seguir na súa recuperación.
En canto a Iria Saeta, recibiu xa a alta médica coa intención de que se vaia incorporando paulatinamente ao equipo.
Relacionadas:
-
Antía Pérez, futbolista do Poio Pescamar, operada con éxito da súa lesión no xeonllo
Por Diego Espiño |
-
O Poio Pescamar foxe do exceso de confianza ante a visita do pechacancelas, o Guadalcacín
Por Redacción |
-
Móstoles, exame ao bo inicio de liga do Poio Pescamar
Por Redacción |
-
O Poio Pescamar regresa á liga cunha goleada ante o Sala Zaragoza (5-0)
Por Redacción & Diego Torrado |
-
Un bronce moi caro. O Poio Pescamar perde a Antía que sofre rotura do cruzado do xeonllo esquerdo
Por Redacción |